Gyanmandu LOGO

Reliable

ताजा

Ad Above News Title

सर्वेक्षणकर्ताहरूले सगरमाथाको उचाइको मापनका लागि डाटा सङ्कलन गर्दै

ज्ञानमाण्डू।पर्वतारोहीहरूले आज बिहान सगरमाथाको उचाइको मापनका लागि डाटा सङ्कलन गर्दै विश्वको उच्च पर्वत सफलतापूर्वक चढे । सगरमाथाको उचाइ नाप्नका लागि खटाइएको नापी विभागको टोली बुधवार बिहान ३ बजेर १५ मिनेटमा सगरमाथा शिखरमा पुगेका छन् ।विभागका उपसचिव खिमलाल गौतमको नेतृत्वमा दुई सरकारी सर्वेक्षणकर्ताहरूले आज बिहान अरू शेर्पा पर्वतारोहीहरूसँग आज विश्वभरको उच्च पर्वतमा सफलतापूर्वक स्केल(मापन) गरे ।

सगरमाथाको उचाइको मापदण्डको टोलीका लिडर खिम लाल गौतम र रविन कार्की(टोलीका सदस्य)आज बिहान ३:१५ बजे शिखरको चुचुरोमा सफलतापूर्वक पाइला टेक्दै शिखरमा पुगेर जिएनएनएस जिपिएस सेट गर्ने काम सम्पन्न गरे ।सर्वेक्षणकर्ताले शिखर बिन्दुको मापनका लागि ऊँचाई मापन उपकरण आवश्यक डेटा सङ्कलन गर्न,सँगै लिएर चढेका थिए । सर्वेक्षण कर्ता टोलीका सदस्य सहित क्लाइम्बिङ गाइड छिरिङजाङबु शेर्पा,दावा शेर्पा र लाक्पा ठिन्दु शेर्पाले पनि आरोहण सम्पन्न गरे ।

सर्वेक्षण विभागले सर्वेक्षणकर्ताहरु द्वारा एकत्रित डेटा का विश्लेषण गरी सगरमाथाको वास्तविक उचाइ पत्ता लाग्नेछ । जिपिएसमा सेट भएका तथ्याङ्कहरूको आधारमा संसारका दर्जनौँ वैज्ञानिकहरूले यसलाई गणितीय र ज्यामितीय हिसाबले अध्ययन गरी उचाइ टुङ्गो लगाएर पुष्टि गर्नेछन् । त्यसका लागि कम्तीमा अझै ६ महिना लाग्नेछ ।

यसअघि सन् १८५६ मा ब्रिटिस सर्वेभर जर्ज एभरेस्टले सर्वे गरी विश्वको सर्वोच्च शिखर सगरमाथा रहेको प्रमाणित गरेका थिए । त्यसअघि भारतीय सर्वेयर राधानाध सिख्धरले १९५२ मै सगरमाथा सर्वोच्च शिखर भएको दाबी गरेका थिए ।चीनले समेत यसअघि पटक पटक सगरमाथाको उचाइ नाप्ने काम गरेको छ । सन् २००५ मा चीनले गरेको सर्वेक्षणमा सगरमाथाको उचाइ समुन्द्री सतहदेखि ८ हजार ८ सय ४४ मिटर मात्र रहेको भनिएको थियो ।

२०१५ को विनाशकारी भूकम्प सहित विभिन्न कारणहरू को कारण सगरमाथाको ऊंचाईमा परिवर्तन आएको भन्ने बहस को टुङ्गो लगाउन हेतु सरकारले सगरमाथाको सटिक उचाइ मापनको उद्देश्य लिएको छ । 











Ad After News Content