Gyanmandu LOGO

Reliable

ताजा

Ad Above News Title

विश्वकप क्रिकेट प्रतियोगिता सुरु, उद्धघाटन खेलमा इंग्ल्यान्डको विजयी सुरुवात

ज्ञानमाण्डू।लण्डनको किनिङटोन ओभलमा भएको एक दिवसिय विश्वकप क्रिकेट प्रतियोगिताको उद्धघाटन खेलमा घरेलु टिम इंग्ल्यान्डले विजयी सुरुआत गरेको छ । बिहीबार राती उद्धघाटन खेलमा इंग्ल्यान्डले दक्षिण अफ्रिकालाई १०४ रनले पराजित गर्दै विजयी सुरुवात गरेको हो ।

घरेलु टोली इंग्ल्यान्डले प्रस्तुत गरेको ३१२ रनको लक्ष्य पछ्याएको दक्षिण अफ्रिकाले ३९.५ ओभरमा सबै विकेटको क्षतिमा २०७ रन मात्रै बनाउन सक्यो । दक्षिण अफ्रिकाका लागि सर्वाधिक रन जोड्ने ओपनर डि कक र भान डेर डुसेनले क्रमश: ६८ रन र ५० रनको अर्धशतकीय इनिङ्स खेलेपनि टोलीलाई जित दिलाउन भने सकेनन् । यस्तै एडिले लक्कीले २४ तथा हसिम अमलाले १३ रन जोडे । अन्य ब्याट्सम्यानले उल्लेख्निय रन जोड्न सकेनन् ।
इंग्ल्यान्डलाई सहज जित दिलाउन जोफ्रा आर्चरले तीन विकेट लिए । त्यस्तै लियाम प्लुंकेट र बेन स्टोक्सले समान २-२ विकेट लिए । मोइन अली र आदिल राशीदले पनि समान १-१ विकेट लिन सफल रहे ।

यसअघि टस हारेर पहिले ब्याटिङको लागि चयन भएको निर्धारित ५० ओभरमा ८ विकेटको क्षतिमा ३११ रन बनाएको थियो । इंग्ल्यान्डका लागि बेन स्टोक्स महत्वपूर्ण योगदान दिए । इंग्ल्यान्डका लागि बेन स्टोक्सले ७९ बलमा ९ चौकाको मद्दतमा ८९ रनको अर्धशतकीय इनिङ्स खेले । त्यस्तै, इंग्ल्यान्डका अन्य तीन खेलाडीले अर्धशतक बनाए ।
ओपनर जोनी बेयरस्टोलाई पहिलो ओभरको दोस्रो बलमै गुमाएको इंग्ल्यान्डका अर्का ओपनर जोसन रोयले ८ चौका सहित ५४ रन जोड्ना सफल रहे । इंग्ल्यान्डका लागि जो रुटले ५१ रनको अर्धशतकीय इनिङ्स खेले । रुट र रोयले दोस्रो विकेटका लागि १०६ रनको शतीकय साझेदारी गर्दै राम्रो सुरुवात दिलाएका थिए ।

रुट र रोय आउट भएपछि दवावमा परेको इंग्ल्यान्डलाई चौथो विकेटका लागि कप्तान इओन मोर्गन र बेन स्टोक्सले पनि १०६ रनको साझेदारी खेल खेल्न सफल रहे। इंग्ल्यान्डका लागी चौथो अर्धशतकीय इनिङ्सको योगदन पुर्‍याएका कप्तान इओन मोर्गनले ६० बलमा ४ चौका र ३ छक्का प्रहार सहित ५७ रन जोड्न सके । त्यस्तै जोस बट्लर १८, क्रिस वोक्स १३, मोइन अली ३, लाइम प्लङकेटले ९ रन बनाउँदा जोफ्रा आर्चरले ७ रनको योगदान गरे ।
दक्षिण अफ्रिकाका लागि लुन्गी निडीले ३ विकेट लिए । कागिसो रबाडा र इमरान ताहिरको नाममा समान २- विकेट रह्यो । त्यस्तै, एन्डिले फेलुक्वायोले १ विकेट लिए। इमरान ताहिर विश्वकप इतिहासको पहिलो ओभरमा बव्लिङ गर्ने सर्वप्रथम स्पिन बलरका नाममा सम्मानित भए ।

इंग्ल्यान्डको जितमा उत्कृष्ट प्रदर्शन देखाएका बेन स्टोक्सलाई प्लेयर अफ दि म्याचको उपाधि दिइएको थियो । जितसंगै इंग्ल्यान्डले पहिलो खेलबाट महत्वपूर्ण २ अंक जोडेको छ । दक्षिण अफ्रीकाले भने हारबाट विश्वकपको सुरुवात गरेको छ ।

प्रतियोगिता अन्तर्गत शुक्रबार वेष्ट इण्डिज र पाकिस्तानबीच खेल हुनेछ ।

Ad Below News Title

Ad After News Content