Gyanmandu LOGO

Reliable

ताजा

आयाक्स च्याम्पियन्स लिगको प्लेअफमा

ज्ञानमाण्डू। च्याम्पियन्स लिग छनोट अन्तर्गत मङ्गलवार राति भएको खेलमा डच क्लब आयाक्सले घरेलु मैदानमा पाओक थिसालोनिकीलाई पराजित गर्दै अन्तिम प्लेअफमा स्थान पक्का गरेको छ । मङ्गलवार राति भएको छनोटमा आयाक्सले पाओक थिसालोनिकीलाई ३–२ को जित निकाल्दै प्ले अफमा स्थान बनाउन सफल भएको हो । आयाक्सले समग्रमा ५–४ को जित निकालेको हो ।

खेलको २३औं मिनेटमा प्रतिस्पर्धी टोलीका डिएगो विशेषवारको गोलबाट पछि परेको आयाक्सका लागि डुसान टाडिकले ४३औं मिनेटमा बराबरी गोल फर्काए । दुबै टोलीले पुन गोल गर्न नसक्दा पहिलो हाफसम्म खेल १-१ को बराबरीमा रह्यो । 

७९औं मिनेटमा निकोलसले गोल गर्दै आयाक्सलाई २–१ ले अघि बढाए । ८५औं मिनेटमा डुसान टाडिकले व्यक्तिगत दोस्र गोल गर्दै आयाक्सलाई जितको बाटोमा उभ्याए । ९०औं मिनेटमा डिएगोले गोल गरे पनि पाओकको हार टार्न भने सकेनन् ।

डच च्याम्पियन आयाक्सले अब च्याम्पियन्स लिगको समूह चरणमा स्थान बनाउन अपोइल निकोसियासँग प्रतिस्पर्धा गर्नेछ । अपोइलले क्वारावागमाथि समग्रमा ३–२ को जित निकालेको थियो ।

यता, पोर्चुगिज क्लब एएफसी पोर्टो च्याम्पियन्स लिग छनोटबाट बाहिरिएको छ । रसियन क्लब एफसी क्रास्नोडारसँग अवे गोलमा पछि पर्दै पोर्टाे छनोटबाटै बाहिरिएको हो । पोर्चुगलको क्लब पोर्टो पहिलो लेगमा १–० ले अघि थियो ।

IME