Gyanmandu LOGO

Reliable

ताजा

Ad Above News Title

लेवान्डोस्कीको दुई गोलमा वायर्नको फराकिलो जित

ज्ञानमाण्डू। जर्मन बुन्डेस लिगा फुटबल अन्तर्गत शनिवार भएको खेलमा वायर्नले १० खेलाडीमा सीमित हुँदै एफसी कोल्नविरुद्धको खेलामा फराकिलो अन्तरले जित निकाल्न सफल भएको छ । साबिक विजेता वायर्न म्युनिखले  एफसी कोल्नलाई ४-० ले पराजित गरेको हो । घरेलु मैदानमा वायर्नलाई जित दिलाउन रोबर्टो लेवान्डोस्कीले दुई गोल गरे । यस्तै फिलिपे कौटिन्हो र इभान पेरिसिचले एक एक गोल गरे ।

खेलको तेस्रो मिनेटमा गोल गर्दै रोबर्टो लेवान्डोस्कीले घरेलु टोलीलाई सुरुवाती अग्रता दिलाएका थिए । पहिलो हाफमा १–० गोलको अग्रता बनाएको वायर्नले दोस्रो हाफमा थप तीन गोल गर्न सफल भयो ।

खेलको ४८ औँ मिनेटमा लेवान्डोस्कीले व्यक्तिगत दोस्रो गोल गर्दै घरेलु टोलीलाई २–० गोलको अग्रता दिलाए । यस्तै फिलिपे कौटिन्होले खेलको ६२ औँ मिनेटमा वायर्नका लागि तेस्रो गोल गरे । खेलको ७३ औँ मिनेटमा इभान पेरिसिचले एक गोल गर्दै वायर्नका लागि ४–० गोलको सहज जित निकाले ।

जितसँगै वायर्न पाँच खेलबाट ११ अङ्क जोड्दै लिगको दोस्रो स्थानमा उक्लिएको छ । पराजित कोल्नको पाँच खेलबाट ३ अङ्क रहेको छ ।


Ad Below News Title

Ad After News Content