Gyanmandu LOGO

Reliable

ताजा

Ad Above News Title

युनेस्को महासभालाई शिक्षामन्त्रीको सम्बोधन

ज्ञानमाण्डू।शिक्षा, विज्ञान तथा प्रविधि मन्त्री गिरिराजमणि पोखरेलले फ्रान्सको पेरिसमा आयोजित संयुक्त राष्ट्रसङ्घीय शैक्षिक, वैज्ञानिक तथा सांस्कृतिक सङ्गठन (युनेस्को) को ४०औँ महासभा बैठकमा शनिवार नेपालको तर्फबाट सम्बोधन गरेका छन् ।

पूर्वीय दर्शनमा आधारित उपनिषदको संस्कृत श्लोकबाट सम्बोधन सुरु गरेका मन्त्री पोखरेलले युनेस्कोको लक्ष्य र पूर्वीय दर्शनको समानान्तरको कुरा राखेका थिए । महासभामा मन्त्री पोखरेलले नेपालले हालै जारी गरेको नीति सार्क शिक्षा र संयुक्त राष्ट्रसङ्घको दिगो विकासका लक्ष्य नं ४ का बुँदा पूरा गराउन पूर्व प्राथमिक तहदेखि उच्च शिक्षासम्मका लागि राष्ट्रिय कार्य ढाँचा तर्जुमा गरी कार्यान्वयन अघि बढाइएको जनाए ।

सन् २०२२ सम्म विकासशील राष्ट्रमा स्तरोन्नतिका लागि नेपाल अगाडि बढिरहेको उल्लेख गर्दै मन्त्री पोखरेलले प्रधानमन्त्रीद्वारा अघि सारिएको ‘समृद्ध नेपाल, सुखी नेपाली’को अवधारणाले सन् २०३० सम्मको नेपालको मध्यम आय बन्ने राष्ट्रको लक्ष्यलाई सघाउ पुर्‍याउने जानकारी दिए ।

शिक्षा प्रविधि जस्तै आर्टिफिसल इन्टेलिजेन्टको शिक्षालगायतका राष्ट्रिय महत्त्वका विषयमा हस्तक्षेप कारी भूमिकालाई प्रभावकारी बनाउन चाहिने प्राविधिकलगायतका सहयोगलाई मन्त्री पोखरेलले युनेस्कोलाई आह्वान गरेका छन् । बुद्ध धर्मको श्लोकद्वारा आफ्नो सम्बोधन अन्त्य गरेका मन्त्री पोखरेलले सन् २०२० मा नेपालमा आयोजना हुन लागेको नेपाल भ्रमण वर्षका लागि युनेस्कोका महा निर्देशक र उपस्थित सबैलाई निमन्त्रणा पनि दिएका छन् । 

भूकम्पपछिको पुनः निर्माणको अवस्थाबारे प्रकाश पार्दै मन्त्री पोखरेलले दिगो विकासको लक्ष्य प्राप्त गर्न सरकारको प्राथमिकतामा विज्ञान, प्रविधि रहेकाले त्यसलाई प्रवर्द्धन गर्न सरकारले अनुसन्धान र नवप्रवर्तनमा युवा वैज्ञानिकलाई प्रोत्साहन गरिरहेको जानकारी गराए । यही नोभेम्बर १२ देखि सुरु भएको युनेस्कोको महासभा नोभेम्बर २७ सम्म चल्नेछ । 

Ad After News Content