Gyanmandu.com

Gyanmandu LOGO

Reliable

ताजा

Ad Above News Title

पीपीएल: चितवन राइनोज बलियो स्थितिमा

ज्ञानमाण्डू।कास्कीको पोखरामा जारी पोखरा प्रिमियर लिग क्रिकेटको दोस्रो संस्करणमा चितवन राइनोज बलियो स्थितिमा उक्लेको छ । लिग चरणका चार खेल सकिँदासम्म चितवन अपराजित यात्रामा रहेको छ । एक खेल खेल्नु अगाडि नै चितवन प्ले अफमा पुगेको छ । चितवनले अब्बल खेल प्रदर्शन गर्दै आठ अङ्कसहित शीर्ष स्थान कायम गरेको छ । प्रतियोगितामा सहभागी छ वटै टोलीले अब एक एक खेल खेल्न बाँकी छ । 

यस्तै बुटवल ब्लास्टर्स चार खेलमा तीनमा जीत निकाल्दै छ अङ्कसहित दोस्रो स्थानमा रहेको छ । काठमाडौँ गोल्डेन्स वारियर्स दुई खेलमा जीत तथा दुई खेलमा हार बेहोर्दै अङ्क तालिकाको तेस्रो स्थानमा छ । 

यस्तै विराटनगर टाइटन, पोखरा पल्टन र धनगढी एक्स्पर्ट क्रमशः चौथो, पाँचौँ र छैटौँ स्थान कायम गरेका छन् । तीनै टोलीले एक खेलमा जित तथा तीन खेलमा हार बेहोरेका छन् । शीर्ष स्थानमा रहेको चितवनले मङ्गलवार लिग चरणको अन्तिम खेल काठमाडौँ गोल्डेन्ससित खेल्नेछ । उक्त खेलमा हार जीत जे भए पनि चितवन फाइनल पुग्नेछ ।

दोस्रो स्थानमा रहेको बुटवलले बुधवार विराटनगर टाइटन्ससँग खेल्ने छ । बुटवलले उक्त खेल जिते फाइनल यात्रा सुरक्षित रहनेछ । पराजित भएमा अरू टोलीको नतिजामा भर पर्नुपर्नेछ । काठमाडौँले अन्तिम खेलमा चितवनलाई हराउनै पर्ने स्थिति छ । काठमाडौँले जित हासिल गरे विराटनगर र पोखराको यात्रा समाप्त हुनेछ । चौथो स्थानमा रहेको विराटनगरले अन्तिम खेलमा बुटवललाई हराए पनि प्ले अफको यात्रा सहज देखिँदैन । 

पाँचौ स्थानमा रहेको पोखरा पल्टनले आज अन्तिम स्थानमा रहेको धनगढीसँग खेल्दै छ । धनगढी प्रतियोगिताबाट बाहिरिएको छ भने पोखराको पनि प्ले अफमा पुग्ने सम्भावना न्यून छ । मङ्गलवार चितवन र काठमाडौँबिच तथा बुधवार बुटवल र विराटनगरबिच लिग चरणको अन्तिम खेल हुनेछ । प्रतियोगिताको फाइनल खेल शनिवार तय गरिएको छ । 

दश दिनअघि सुरु भएको पोखरा प्रिमियर लिगको उपाधि विजेता टालीले रु २७ लाख पुरस्कार हात पार्नेछन् । उपविजेताले रु १० लाख प्राप्त गर्नेछन्। क्विन्स इभेन्ट म्यानेजमेन्ट प्रालिको आयोजनामा सुरु भएको प्रतियोगिता पुस १२ गते सकिनेछ । प्रतियोगितामा विराटनगर टाइटन्स, पोखरा पल्टन, बुटवल ब्लास्टर्स, चितवन राइनोज, काठमाडौँ गोल्डेन्स वारीयर्स र धनगढी एक्स्पर्ट खेलिरहेका छन् । प्रतियोगिताको म्यान अफ दि सिरिज, उत्कृष्ट ब्याट्सम्यान र उत्कृष्ट बलरले टिभिएस मोटरसाइकल पाउने छन् । यस्तै मोस्ट भ्यालुएबल खेलाडीले रु एक लाख तथा उदीयमान खेलाडीले रु ५० हजार पुरस्कार पाउने छन् ।रासस 

Ad Below News Title

Ad After News Content

Bottom News Content

IME

Enjoy Your Study

GME