Gyanmandu.com

Gyanmandu LOGO

Reliable

ताजा

Ad Above News Title

बौद्ध धर्मावलम्बीले मनाए सम्यक दानपर्व

ज्ञानमाण्डू।भक्तपुरमा ३५० वर्षअघि अर्थात् नेपाल संवत् विसं ७८७ भन्दा अघिबाट सुरु भएको बौद्ध धर्मावलम्बीको सम्यक् दान पर्व भव्य रूपमा मनाइएको छ । पाँच दीपकङ्रसहित अन्य स्वर्ण दीपङ्करका मूर्तिलाई स्थानीय थथुवहिमा विराजमान गराइ भक्तपुरको नियमित र ऐच्छिक सम्यक् भोजन गराइ मनाइने सम्यक् दान पर्व यहाँका बौद्ध धर्मावलम्बीले आज दिनभरि नै भव्य रूपमा यो पर्व मनाउने गर्दछन् । 

चतुब्रह्म महाविहारका बज्राचार्य जयरत्नले स्थापना गर्नुभएको यो पर्व भक्तपुरमा हरेक वर्ष माघ १ गते मकर सङ्क्रान्तिका अवसरमा मनाइने गरिन्छ । सम्यक् दानमा परम्परागत रूपमा स्थापना भएका बौद्ध विहारमा दीक्षित भई गृहस्थ बौद्ध भिक्षुहरु शाक्य र बज्राचार्य बन्धुलाई भोजन, अन्न दक्षिणा दिइएको थियो । भक्तपुर तथा उपत्यकाका विभिन्न स्थानबाट आएका वौद्ध धर्मावलम्बीले दान गरेको सम्यक् महादान व्यवस्थापन समितिका देवचन्द्र बज्राचार्यले बताए । 

भक्तपुरमा रहेको प्रमुख पाँच दीपङ्कर बुद्धको प्रतिमूर्तिलाई वर्षको दुई पटक सम्बन्धित विहारबाट बाहिर ल्याई जात्रा गर्ने प्रचलनअन्तर्गत सम्यक् दान पर्वका दिन पाँच दीपङ्कर बुद्धका प्रतिमूर्ति विराजमान गराइएको उनले बताए । काठमाडौँमा १२ वर्षको एक पटक स्वयम्भूको भुइँख्याल, ललितपुरमा पाँच वर्षमा एक पटक नागवहाल र भक्तपुरमा प्रत्येक वर्ष नियमितरुपमा यो पर्व मनाउँदै आएको छ । 

भक्तपुरमा प्रत्येक वर्ष नःपुखु (गुह्य पोखरी) को पश्चिम थथुवहिको परिसरमा रहेको भुइँख्यल क्षेत्रमा सम्यक् भोजन दान गरिने चलन रहेको राजुमान बज्राचार्यले जनाए । धर्तीमा उब्जनी भएका सबै व्यञ्जन र विशेष परिकार बनाएर चढाउने तथा भिक्षा दान परम्परा रहेको उनले बताए ।रासस

Ad After News Content

GME

Enjoy Your Study