Gyanmandu.com

Gyanmandu LOGO

Reliable

ताजा

Ad Above News Title

बढ्दै छ महिलाको गर्विलो उपस्थिति

ज्ञानमाण्डू।गण्डकी प्रदेशका प्रहरी वरिष्ठ उपरीक्षक पूजा सिंहले महिला भएकोमा गर्व गर्नुपर्ने बताएकी  छिन् । लायन्स क्लब अफ ३२५ बी १ द्वारा शनिवार पोखरामा आयोजित महिला छलफल कार्यक्रमलाई सम्बोधन गर्दै उनले महिलाले हरेक क्षेत्रमा आफ्नो ज्ञान, सीप र दक्षतालाई प्रदर्शन गरेर अगाडि बढ्नुपर्नेमा जोड दिएकी छिन्  । 
प्रहरी वरिष्ठ उपरीक्षक सिंहले भनेकी छिन् , “ पछिल्लो समय हरेक क्षेत्रमा महिलाको गर्विलो उपस्थिति बढ्दै गइरहेको छ । आत्मविश्वास जगाइरहेको छ । संसार सुन्दर हुनुमा महिला कुशल व्यवस्थापक भएर भूमिका निभाएकाले सम्भव भएको हो । ” 

एड्भोकेसी फोरमका संस्थापक अध्यक्ष वरिष्ठ पत्रकार बविता बस्नेतले सामाजिक, आर्थिक, राजनीतिक, सांस्कृतिक विविध पक्षबाट महिला सशक्त हुन जरुरी रहेको बताटेकी छिन् । पितृसत्तात्मक सामाजिक मूल्यमान्यताका कतिपय जडहरू सामाजिक रूपान्तरणको बाधक भएको बताउँदै अब आफ्नो भूमिकाको खोजी गरेर सामाजिक न्यायका लागि अघि बढ्नु उनले सुझाव दिएकी छिन् । प्रदेश नीति तथा योजना आयोग गण्डकी प्रदेशका सदस्य भीमा ढुङ्गानाले महिला समाजमा अगाडि रहेको तर सोचले सधैँ पछाडि पारेको बताइन् । उनले गण्डकी प्रदेशले अवलम्बन गरेको पञ्चवर्षीय नीतिमा महिला समानता र सशक्तीकरणको पक्ष र लक्ष्यको बारेमा प्रकाश पारेकी थिइन् । 

कार्यक्रममा डिष्टिक गभर्नर इन्दु लम्सालले लायन्सले महिला सशक्तीकरणलाई जोड दिएर विविध कार्यक्रम गरेको जानकारी दिइन् । हालसम्म लायन्सले दुई हजार २०० लाई सशक्तीकरण तालीम दिएको कार्यक्रममा जानकारी दिइयो । 

कार्यक्रम संयोजक अर्चना प्रधानले महिलाको अस्तित्व नस्विकारेसम्म समाज सुसभ्य र सुसंस्कृत हुन नसक्ने बताउनुभयो । कार्यक्रमका सहसंयोजक मिलन थापाले पोखराका विभिन्न क्षेत्रमा रहेका महिला र विभिन्न आमा समूहमा आबद्ध महिलालाई आफ्नो क्षेत्रमा अझै क्रियाशील बनाउन महिला गोष्ठीको आयोजना गरेको बताए ।रासस 

Sunrise Bank

Ad Below News Title

Ad After News Content

IME

Enjoy Your Study

GME