Gyanmandu.com

Gyanmandu LOGO

Reliable

ताजा

Ad Above News Title

नेप्से १६३२.१७ अङ्कमा, साढे चार अर्बको कारोवार


ज्ञानमाण्डू । धितोपत्र बजारमा शेयर कारोवार मापक नेप्से परिसूचकमा उच्च वृद्धि हुनेक्रम आज पनि जारी रह्यो ।आज नेप्से ३६.०५ अङ्कले बढेर १६३२.१७ पुगेको छ ।यस्तै सेन्सेटिभ परिसूचक ११.६३ अङ्कले बढेर ३४७.६८ मा पुुगेको छ । जुन प्रतिशतका आधारमा ३.४६ हो । 

नेप्सेमा भारी वृद्धि हुँदा कारोवार रकम झण्डै साढे चार अर्ब पुुगेको छ । आज कूल १८० कम्पनीका एक करोड आठ लाख ५९ हजार ६५६ कित्ता शेयर रु चार अर्ब ४६ करोड पाँच लाख ३६ हजार २५१ मा खरिद बिक्री भयो । 

आज बैकिंग उपसमूह ८३.२९ अङ्कले, विकास बैंक उपसमूह ३८.६५ अङ्कले र उत्पादन उपसमूह १६.४५ अङ्कले बढेकाे छ भने ट्रेडिङ उपसमूह ४८.४३ अङ्कले, होटेल उपसमूह २७.६२ अङ्कले, हाइड्रोपावर उपसमूह २१.५ अङ्कले, फाइनान्स उपसमूह ८.५२ अङ्कले, ननलाइफ इन्स्योरेन्स उपसमूह २१३.३९ अङ्कले, अन्य उपसमूह्र २२.५३ अङ्कले, माइक्रोफाइनान्स उपसमूह ५६.३५ अङ्कले, लाइफ इन्स्योरेन्स उपसमूह १६४.६३ अङ्कले र म्यूचुअल फंड उपसमूह ०.१६ अङ्कले घटेकाे छ ।

कारोवार रकमका आधारमा नेपाल लाइफ इन्स्योरेन्स शीर्ष स्थानमा रह्यो । सो कम्पनीको शेयर रु २८ करोड ९२ लाख ३७ हजार २८३ मा खरिद बिक्री भयो । यस्तै एनआइसी एशिया बैंकको रु २० करोड ५९ लाख ४६ हजार ५०५, एनएमबी बैंकको रु १५ करोड ७० लाख ६१ हजार २३८, नवील बैंकको रु १५ करोड ३० लाख ६७ हजार ५७८, शिवम् सिमेन्टको रु १४ करोड ८९ लाख ६७ हजार ८७ र प्रभु बैंकको शेयर रु ११ करोड ८३ लाख १७ हजार ८९० मा खरिद बिक्री भयो । 

आज सबैभन्दा बढी एभरेष्ट बैंकका शेयरधनीले १० प्रतिशतले कमाए । यस्तै नेपाल एसविआइ बैंकका ९.९४, हिमालन बैंकको ९.९२, नवील बैंकको ९.७७, वमि माइक्रोफाइनान्स वित्तीय संस्था ९.३१, स्टाण्र्डड चार्टड बैंकको ८.७० र एनआइसी एशिया बैंकका लगानीकर्ताले ८.२० प्रतिशतले कमाए । 

परिसूचक बढे पनि आज सबैभन्दा बढी नाग्दी ग्रुप पावरका शेयरधनीले ६.७१ प्रतिशतले गुमाए । सिनर्जी पावर ६.५०, समृद्धि फाइनान्स ६.१९, साल्ट ट्रेडिङ कर्पोरेशन ४.९९, युनाइटेड इन्स्योरेन्स ४.८५ र नेपाल सेवा लघुवत्त वित्तीय संस्थाका शेयरधनीले ४.८१ प्रतिशतले गुमाए । 

Ad After News Content

GME

Enjoy Your Study