Gyanmandu LOGO

Reliable

ताजा

चैत २१ गतेसम्म ‘व्यापार–व्यवसाय’ बन्द गरिने

ज्ञानमाण्डू।कोभिड–१९ को सङ्क्रमणलाई ध्यानमा राखेर नेपाल व्यापार सङ्घले यही चैत २१ गतेसम्म व्यापार व्यवसाय बन्द गर्ने भएको छ । सङ्घको आज बिहान बसेको पदाधिकारी बैठकले कोरोना भाइरसको सङ्क्रमण नेपालमा पनि फैलन सक्ने जनाउँदै सो दिनसम्म सम्पूर्ण बजार बन्द गर्ने निर्णय गरेको हो । 

सङ्घका अध्यक्ष कुमार कार्कीले सरकारले अत्यावश्यकबाहेक सेवा बन्द गर्ने निर्णय गरेकाले सङ्घले पनि बजार बन्द गर्ने निर्णय गरेको जानकारी दिए । “व्यापार सङ्घमा आबद्ध व्यवसायीलाई अत्यावश्यक सामानबाहेक अरू सामग्री बिक्री वितरण बन्द गर्ने निर्णय गरेका छौँ,” उनको भनाइ छ । 

अध्यक्ष कार्कीले अत्यावश्यक वस्तुको बिक्री वितरण पारदर्शी र प्रभावकारी बनाउनुपर्ने समेत बताए । बैठकले कोभिड–१९ का कारण उद्योग, तथा व्यापार क्षेत्रसमेतमा ठुलो धक्का लागेकाले बैङ्क तथा वित्तीय क्षेत्रलाई ब्याजदर र घरधनीलाई घर भाडामा विशेष सहुलियत दिन मागसमेत गरेको छ । विसं २०४७ मा स्थापित सङ्घमा हाल झन्डै एक हजार व्यवसायी आबद्ध छन् ।