Gyanmandu LOGO

Reliable

ताजा

Ad Above News Title

कोरोना त्रास : नेप्सेमा दोहोरो अङ्कको गिरावट

ज्ञानमाण्डू।धितोपत्र बजारमा आज शेयर कारोवार मापक नेप्से परिसूचक दोहोरो अङ्कले ओरालो लागेको छ । खुला गर्ने वा बन्द गर्ने भन्ने आशंकाका बीचमा खुलेको बजारमा कारोवार मापक नेप्से परिसूचक १८.२० अङ्कले घटेर एक हजार २५१.४५ मा पुगेको छ । यस्तै सेन्सेटिभ परिसूचक २.७६ ले घटेर २७१.०६ मा पुगेको छ । घटेको बजारमा कारोवार रकम पनि घटेको छ । कूल १२३ कम्पनीका ४ लाख ८० हजार ५२७ कित्ता शेयर रु १९ करोड ४६ लाख ४२ हजार ९८४ मा खरीद बिक्री भए ।

कारोवार भएका कूल ११ उपसमूहमध्ये तीन समूहको शेयर उकालो लाग्यो भने आठ उपसमूहको शेयर घट्यो । होटल ५२.९९, निर्जीवन बीमा १.२६ र अन्य ७.२८ ले बढेको छ । यस्तै बैंकिङ २७.१३, व्यापार १०.५६, विकास बैंक १५.६७, जलविद्युत् ४.८७, वित्त ०.१७, उत्पादन २९.३, लघुवित्त १७.९४ र जीवन बीमा १०३.९८ ले घटेको छ ।

कारोवारका आधारमा आज नेपाल लाइफ इन्स्योरेन्स कम्पनी शीर्ष स्थानमा रह्यो । सो कम्पनीको रु दुई करोड ८१ लाख ७० हजार बराबरको कारोवार भयो । यस्तै, एनएमबी बैंक रु एक करोड ९६ लाख ८६ हजार २६४, हिमालयन डिस्टिलरी रु एक करोड ४५ लाख ३१ हजार ८३५, एनआइसि एशिया बैंक रु एक करोड ११ लाख ३९ हजार ९८५ र नबिल बैंक रु एक करोड सात लाख ११ हजार ८८४ बराबरको कारोवार भई शीर्ष स्थानमा रहेको नेप्सेले जनाएको छ ।

यस्तै कारोवारका आधारमा जनउत्थान सामुदायिक लघुवित्तका शेयरधनीले ९.६९ प्रतिशतले कमाए । अपि पावर कम्पनी ७.४१, सेन्ट्रल फाइनान्स ७.०२, सिभिल लघुवित्त ५.८९, सोल्टी होटल ५.०६ र सपोर्ट माइक्रोफाइनान्सका लगानीकर्ताले ३.९८ प्रतिशतले कमाए । यस्तै, गुह्यश्वरी मर्चेन्ट ९.३७, नेपाल इन्भेस्टमेन्ट बैंकको संस्थापक शेयर ६.८६, एनसिसी बैंक ६.१३, फष्ट माइक्रोफाइनान्स ५.२५, नेशनल लाइफ इन्स्योरेन्स ४.७७ र प्राइम बैंककाशेयरधनीले ४.५४ प्रतिशतले गुमाए । 

आज बजार खुल्नुअगाडि बजार नखुलाउन आग्रह गर्दै लगानीकर्ताले नेप्सेको व्यवस्थापनलाई ध्यानाकर्षण गराएका थिए तर नेप्सेको सञ्चालक समितिले स्पष्ट निर्देशन नआएको भन्दै बजार खुल्ने बताएको थियो । सोही अनुसार कोरोना त्रासका बीचमा पनि बजारमा नियमित कारोवार भएको हो ।रासस 

Ad After News Content