Gyanmandu.com

Gyanmandu LOGO

Reliable

ताजा

Ad Above News Title

एनआईसी एसिया बैंकले ऋणीलाई जेठमा पनि कर्जाको ब्याजमा १० प्रतिशत छुट दिने

ज्ञानमाण्डू। एनआईसी एसिया बैंकले ऋणीलाई जेठमा पनि कर्जाको ब्याजमा १० प्रतिशत छुट दिने भएको छ। नेपाल राष्ट्र बैंकले यही वैशाख १६ गते कोरोनाबाट ऋणीहरुमा परेको असर न्यूनीकरण गर्न २०७६ चैत मसान्तसम्म कायम ब्याजदरमा २ प्रतिशत ब्याज सहुलियत दिन निर्देशन दिएको थियो।

सोही निर्देशन कार्यान्वयन गर्दै बैंकले २ प्रतिशत ब्याज सहुलियतको अलावा ऋणीहरुले वैशाख महिनासम्ममा चुक्ता भुक्तान गर्नुपर्ने सम्पूर्ण किस्ता/ब्याज रकम वैशाख मसान्तभित्र पूर्ण रुपमा चुक्ता गरे सम्पूर्ण ब्याज रकममा थप १० प्रतिशत छुट तथा जरिवाना ब्याजको शतप्रतिशत रकम छुटको योजना ल्याएको थियाे। महामारीबाट सम्पूर्ण ऋणीहरुलाई परेको असरको मूल्यांकन गर्दै बैंकले आफ्नै प्रयासबाट जेठ महिनाका लागि समेत १० प्रतिशत छुट योजना  लागु गर्ने जनाएको छ।

यसअनुसार नेपाल राष्ट्र बैंकले व्यवस्था गरेको कर्जामा २ प्रतिशत ब्याज छुटको अलावा जेठ महिनासम्ममा तिर्नुपर्ने सम्पूर्ण बक्यौता रकम सोही मसान्तभित्र पूर्ण रुपमा चुक्ता गरे सम्पूर्ण ब्याज रकममा १० प्रतिशत छुट तथा जरिवाना ब्याजको शतप्रतिशत रकम छुट हुने कुरा बैंकले जनाएकाे छ ।

Sunrise Bank

Ad Below News Title

Ad After News Content

IME

Enjoy Your Study

GME