Gyanmandu.com

Gyanmandu LOGO

Reliable

ताजा

Ad Above News Title

नेप्सेमा दोहोरो अङ्कको वृद्धि, हेर्नुहोस् आज सर्वाधिक कमाएका र गुमाएका कम्पनी

ज्ञानमाण्डू।धितोपत्र बजारमा आज शेयर कारोवार मापक नेप्से परिसूचक दोहोरो अङ्कले बढेको छ ।नेपाल स्टक एक्सचेञ्जका अनुसार नेप्से परिसूचक १८ दशमलव ७६ अंकले बढेर २४४१ दशमलव ८५ को विन्दुमा कायम भएको छ । यस्तै सेन्सेटिभ परिसूचक ० दशमलव ८६ अंकले बढेर ४४६ दशमलव ३८ विन्दुमा पुगेको छ ।
 

आज कूल २०८ कम्पनीका १ करोड ५२ लाख ८९ हजार २५९ कित्ता शेयर रु ८ अर्ब ६२ लाख ३८ हजार ७७० मा खरिद बिक्री भए ।

कारोवार भएका कूल १२ मध्ये ५ उपसमूहको शेयर वृद्धि भएको छ । बैंकिङ १०. १२ अङ्कले घट्दा विकास बैंक ६.२३ अङ्कले, होटल २४.३९, जलविद्युत् ४.०७, वित्त ६.७७, उत्पादन ३३.७५ र अन्य २.१९ अङ्कले गिरावट आएको छ । त्यस्तै, ट्रेडिङ ३२.९६ अङ्कले बड्दा , निर्जीवन बीमा ४६४.६८, लघुवित्त ६७.५१, जीवन बीमा १ र सामूहिक लागनी कोष ०.०३ अङ्कले बढेको छ ।


कारोवार रकमका आधारमा नेपाल लाइफ इन्स्योरेन्स कम्पनी शीर्ष स्थानमा रह्यो । सो कम्पनीको शेयर रु ९३ करोड ३४ लाख २३ हजार ९०३ मा खरिद बिक्री भयो । त्यस्तै,प्राइम कमर्सियल बैंकको शेयर रु ३७ करोड ९३ लाख ४२२ मा कारोवार भयो । यता नेपाल बैंकको शेयर रु २८ करोड १४ लाख ८ हजार ८७१, प्रभु बैंकको शेयर रु २७ करोड ८४ लाख ५१ हजार १५३ मा कारोवार भयो । नेशनल लाइफ इन्स्योरेन्सको २४ करोडमाथि, शिखर इन्स्योरेन्सको २४ करोडमाथि, नेशनल हाइड्रोपावर र नेपाल टेलिकमको २० करोडमाथिको शेयर कारोबार भएको छ ।




परिसूचक उकालो लाग्दा नेपाल लाइफ इन्स्योरेन्स कम्पनीका लगानीकर्ताले सर्वाधिक ९ दशमलव ९९ प्रतिशतका दरले कमाएका छन् । आरम्भ चौतारी लघुवित्त वित्तिय संस्थाका लगानीकर्ताले ९ दशमलव ९८ प्रतिशतका दरले कमाएका छन् भने गुराँस लघुवित्त वित्तिय संस्था र सपोर्ट लघुवित्त वित्तिय संस्थाका लगानीकर्ताले क्रमश ९ दशमलव ९७ तथा ९ दशमलव ९६ प्रतिशतका दरले कमाएका छन् ।


यता पोखरा फाइनान्सका लगानीकर्ताले ७ दशमलव ०५ प्रतिशतका दरले गुमाएका छन् ,सिटिजन्स मिउचल फन्डका लगानीकर्ताले ४ दशमलव ७२ प्रतिशतका दरले तथा श्री इन्भेटमेन्ट फाइनान्सका लगानीकर्ताले ४ दशमलव ७१ प्रतिशतका दरले गुमाएका छन् ।

Sunrise Bank

Ad Below News Title

Ad After News Content

IME

Enjoy Your Study

GME