Gyanmandu.com

Gyanmandu LOGO

Reliable

ताजा

Landing Page, Road Block Admana

Global IME Bank

ad mana

कामना सेवाको ऋणपत्रमा आवेदन दिने आज अन्तिम दिन

ज्ञानमाण्डू।कामना सेवा विकास बैंकले माघ २२ गतेदेखि निष्काशन गरेको ‘कामना सेवा विकास बैंक डिबेन्चर २०८७ ’ नामक ऋणपत्रमा आवेदन दिने आज बिहीबार (फागुन ६ गते) अन्तिम दिन रहेको छ । आज कार्यालय समयभित्र ऋणपत्रमा आवेदन दिन सकिनेछ । 

बैंकले माघ २२ गतेदेखि १ अर्ब रुपैयाँ बराबरको १० लाख इकाई ऋणपत्र निष्काशन गरेको हो । यसमध्ये ४ लाख इकाई बराबरको ऋणपत्रमा सर्वसाधारण लगानीकर्ताले आवेदन दिन सक्नेछन् । 

बाँकी ६ लाख इकाई भने बैंकले आफ्नै पहलमा अन्य संघसंस्थाहरुलाई बिक्री गर्ने जानकारी दिएको छ । यस ऋणपत्रद्वारा वार्षिक ९ दशमलव ५ प्रतिशत ब्याज आर्जन गर्न सकिने छ । बैंकले १० वर्ष अवधिको ‘कामना सेवा विकास बैंक डिबेन्चर २०८७ ’ नाममा यस ऋणपत्र बिक्री खुला गरेको हो । यस ऋणपत्रको बिक्री प्रबन्धक एनआइबीएल एस क्यपिटलले गरेको छ । 

ऋणपत्रमा प्रतिइकाई १ हजार रुपैयाँको दरले आवेदन दिनुपर्नेछ । न्यूनतम २५ कित्तादेखि अधिकतम २० हजार कित्तासम्म भर्न पाइने यस ऋणपत्रमा लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण आस्वा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सक्नेछन्। यसका साथै सर्वसाधारण लगानीकर्ताले मेरोशेयर सफ्टवेयर प्रयोग गरी पनि आवेदन दिन सक्नेछन्। यस प्राथमिक ऋणपत्रमा आज बिहीबार (फागुन ६ गते) कार्यालय समयसम्म आवेदन दिन सकिनेछ ।

Ad Below News Title

Ad Inside News Content2

Admana

Energy Line

slc share training

below content