Gyanmandu.com

Gyanmandu LOGO

Reliable

ताजा

Ad Above News Title

Muktinath Bikas Bank

एन आई सी एशिया र स्वदेशी लघुवित्तको मर्जर पश्चात, एकीकृत कारोवार शुभारम्भ


ज्ञानमाण्डू।कर्णाली प्रदेशको विकट जिल्ला जाजरकोटमा रजिष्टर्ड कार्यालय भई काभ्रेपलाञ्चोक जिल्लाको बनेपामा कर्पोरेट कार्यालय रहेको एन आई सी एशिया लघुवित्त वित्तीय संस्था लिमिटेड र प्रदेश १ स्थित सुनसरी जिल्लाको इटहरीमा रजिष्टर्ड कार्यालय रहेको स्वदेशी लघुवित्त वित्तीय संस्था लिमिटेडका बीच गाभ्ने/गाभिने (मर्जर) सम्बन्धी कार्य गरे पश्चात एन आई सी एशिया लघुवित्त वित्तीय संस्था लिमिटेडको नामबाट आज एक समारोहका बीच एकीकृत कारोवार शुभारम्भ भएको लघुवित्तले जानकारी दिएको छ ।

मिति २०७७ श्रावण ३२ गते यी दुई संस्था बिच गाभ्ने/गाभिने (मर्जर) सम्बन्धी समझदारीपत्रमा हस्ताक्षर भई मिति २०७७/०७/१९ गते नेपाल राष्ट्र बैंकबाट सैद्धान्तीक सहमति प्राप्त भएको लघुवित्तले जानकारी दिएको छ । मिति २०७७/०९/१० गते गाभ्ने/गाभिने (मर्जर) गर्ने सम्बन्धी अन्तीम सम्झौता भई सो अन्तीम सम्झौता अनुसार गाभ्ने/गाभिने (मर्जर) गर्नेका लागि दुबै संस्थाको मिति २०७७/१०/०४ गते छुट्टाछुट्टै बार्षिक साधारण सभाबाट सम्पन्न गरिएको लघुवित्तले जनाएको छ । उक्त बार्षिक साधारणबाट पारित विशेष प्रस्ताव बमोजिम एक आपसमा गाभ्ने/गाभिने (मर्जर) कार्य गर्न अन्तिम स्वीकृती प्राप्त भए अनुसार एन आई सी एशिया लघुवित्त वित्तीय संस्था लिमिटेडको नामबाट एकीकृत कारोबारको शुभारम्भ एन आई सी एशिया लघुवित्त वित्तीय संस्था लिमिटेडको अध्यक्ष श्री कपिल ढकालज्यू र स्वदेशी लघुवित्त वित्तीय संस्था लिमिटेडको अध्यक्ष श्री लालमणी जोेशीज्यूले एक कार्यक्रमका बिच संयुक्त रुपमा गर्नु भएको लघुवित्तले जनाएको छ  ।

एन आई सी एशिया लघुवित्त वित्तीय संस्था लिमिटेडको कर्णाली प्रदेश लगायत मुलुकका विकट पहाडी तथा हिमाली जिल्लाहरुमा समेत गरी कूल १५० शाखा संचालनमा रहेको छ भने स्वदेशी लघुवित्त वित्तीय संस्था लिमिटेडको नेपाल भरि ८५ शाखा संचालनमा रहेका छन् । मर्जर पश्चात कुल शाखा संख्या २२३ शाखा कार्यालयबाट १३५,००० भन्दा बढी सदस्यहरुलाई संस्थाले उत्कृष्ट लघुवित्तीय सेवा प्रदान गर्ने जानकारी दिएको छ । मर्जर पश्चात संस्थाको पुँजी १ अर्ब ७३ करोड ९४ लाख ४० लाख पुग्नेछ भने संस्थाको कर्जा लगानी रु १५ अर्ब भन्दा माथि पुग्नेछ । भविष्यमा उत्कृष्ट लघुवित्त बन्ने लक्ष्य साथ अगाडी बढेको एन आई सी एशिया लघुवित्त वित्तीय संस्था यो मर्जर पश्चात अझ बलियो र सबल भई उक्त लक्ष्य हासिल हुनेमा पूर्ण विश्वस्त रहेको जानकारी दिएको छ ।

गाभ्ने/गाभिने (मर्जर) सम्बन्धी सम्पूर्ण कार्य सम्पन्न गरी मर्जर पश्चात् ‘साथीसँगै सबल बन्दै’ भन्ने मूल नाराका साथ उत्तरदायी लघुवित्तीय सेवाको अभ्यास गर्दै आएको एन आई सी एशिया लघुवित्त वित्तीय संस्था लिमिटेडको नामबाट देशकै सबै भन्दा ठूलो शाखा संजाल र चुक्ता पूँजी भएको देशकै एक ठुलो सबल सक्षम एवं विश्वसनीय लघुवित्त वित्तीय संस्थाको रुपमा स्थापित हुने एन आई सी एशिया लघुवित्त वित्तीय संस्थाले उल्लेख गरेको छ । त्यस्तै उत्तरदायी लघुवित्तीय सेवाको अभ्यास गर्दै आएको एन आई सी एशिया लघुवित्त वित्तीय संस्थाले वित्तीय समावेशिकरणका लागि डोटी, जुम्ला, जाजरकोट, सल्यान, रसुवा, सिन्धुपाल्चोक जस्ता बैंक तथा वित्तीय संस्थाहरुको उपस्थिति न्युन रहेको दुर्गम जिल्लाहरुमा शाखा विस्तार गरी सेवा सञ्चालन गर्र्दै आएको र आगामी दिनहरुमा पनि सोहि अनुरुप कार्य गर्ने कुरा यस प्रेस विज्ञप्तिद्वारा जानकारी दिएको छ ।

Ad Below News Title

Mega Bank

Ad After News Content