Gyanmandu.com

Gyanmandu LOGO

Reliable

ताजा

Ad Above News Title

नेपाल टेलिकमको विभिन्न प्याकेज सहितको स्प्रिङ अफर (Spring Offer) सार्वजनिक


ज्ञानमाण्डू।नेपाल टेलिकमले नयाँ वर्ष २०७८ को अवसरमा ग्राहकहरुको सुविधालाई ध्यानमा राखी विभिन्न प्याकेज सहितको स्प्रिङ अफर (Spring Offer) सार्वजनिक गरेको छ । उक्त अफर अन्तर्गतका सेवाहरु २०७७ चैत ३१ गतेदेखि ९० दिनसम्म उपयोग गर्न सकिने टेलिकमले जानकारी दिएको छ । यसअघि उपलब्ध विन्टर अफर अन्तर्गतका प्याकेजमा केही थप सुविधासहित स्प्रिङ अफर उपलब्ध गराइएको टेलिकमले थप जानकारी दिएको हो ।

नयाँ वर्षको अवसरमा नेपाल टेलिकमका मोबाइल ग्राहकका लागि प्रतिदिन ५०० एमबी डाटा २८ दिनसम्म प्रयोग गर्न सकिने गरी १४ जिबी डाटाको अफर जम्मा रु. २९९ मा उपलब्ध गराएको टेलिकमले जनाएको छ ।

स्प्रिङ अफर अन्तर्गत नै ग्राहकहरुको सुविधालाई ध्यानमा राखी जम्मा रु. १२५ मा सबै नेटवर्कमा १ जिबी र फोरजी नेटवर्कमा थप ३ जिबी गरी जम्मा ४ जिबी डाटा अफर ल्याएको टेलिकमले उल्लेख गरेको छ । ५ दिन प्रयोग गर्न सकिने उक्त अफरमा १०० मिनेट कुराकानी समेत गर्न सकिन्छ भने उक्त अफर पनि २४सै घण्टा प्रयोग गर्न सकिने कम्पनीले जनाएको छ ।

साथै, २ घण्टासम्म असीमित डाटा प्रयोग गर्न सकिने गरी रु. ३० को अर्को अफर पनि थप गरिएको कम्पनीले उल्लेख गरेको छ । उक्त अफर पनि २४सै घण्टा प्रयोग गर्न सकिने कम्पनीले जनाएको छ ।

नयाँ वर्षको अवसरमा कम्पनीका जिएसएम मोबाइल ग्राहकहरुका लागि जम्मा रु. २८० मा २८ दिनसम्म प्रयोग गर्न सकिने ४ जिबी डाटा प्याक अफर ल्याएको टेलिकमले जानकारी दिएको छ । यो प्याक अन्तर्गत लिइएको ३ जिबी डाटा जुनसुकै समयमा र नेटवर्कमा प्रयोग गर्न सकिने टेलिकमले उल्लेख गरेको छ ।

यसैगरी डाटा प्याक अन्तर्गत नै जम्मा रु. ९५ मा १.५ जिबी डाटा प्रयोग गर्न सकिने अफर पनि उपलब्ध गराएको कम्पनीले जनाएको छ । उक्त प्याक ७ दिनसम्म २४सै घण्टा प्रयोग गर्न सकिने कम्पनीले जनाएको छ ।

सिडिएमए मोबाइल र वाइम्याक्स सेवाका ग्राहकहरु कम्पनीकै अन्य सेवामा रुपान्तरण हुने क्रम जारी रहेकोले ती सेवाका ग्राहकहरुका लागि विन्टर अफरका रुपमा उपलब्ध विभिन्न अफर र सुविधाहरुमध्ये सीमित अफरहरुलाई मात्र निरन्तरता दिएको टेलिकमले थप जानकारी दिएको हो ।

विभिन्न प्याकेज प्राप्त गर्नका लागि ग्राहकले *1415#  डायल गर्नुपर्ने छ । कम्पनीको ‘नेपाल टेलिकम’ एपबाट पनि यस सम्बन्धी जानकारी लिन तथा सेवा खरिद गर्न सकिने टेलिकमले जानकारी दिएको छ । त्यसैगरी कम्पनीको वेबसाइट www.ntc.net.np मार्फत यस सम्बन्धी विस्तृत जानकारी प्राप्त गर्न सकिने कुरा टेलिकमले यस प्रेस विज्ञप्तिद्वारा जानकारी दिएको छ ।

(माथि उल्लेख गरिएका सबै दरहरु करसहितका हुन् ।)

Ad Below News Title

Mega Bank

Ad After News Content