Gyanmandu.com

Gyanmandu LOGO

Reliable

ताजा

Ad Above News Title

ad mana

लगानीकर्ताको नजरमा नबिल बैङ्क किन सधैँ "ब्लु चिप स्टक" ?

Nabil Bank

ज्ञानमाण्डू। कुनै पनि कम्पनीमा लगानी गरे पश्चात लगानीकर्ताले दुई प्रकारका लाभको अपेक्षा गरेका हुन्छन् । अल्पकालीन लगानीकर्ताले पुँजीगत लाभमा विश्वास गर्दछन् भने दीर्घकालीन लगानीकर्ताले कम्पनीले दिने प्रतिफलमा विश्वास गर्ने गर्दछन् ।

विगत लामो समय देखि निरन्तर आकर्षक लाभांश वितरण गर्दै आएको नबिल बैङ्क धेरै शेयर लगानीकर्ताहरूको प्रमुख रोजाइमा पर्ने बैङ्क बन्न सफल भएको छ । आर्थिक वर्ष ७६/७७ मा नबिल बैङ्कले वाणिज्य बैङ्कहरू मध्य सबै भन्दा धेरै ३५.२६ प्रतिशत लाभांश दिएको थियो भने दोस्रो सबै भन्दा धेरै लाभांश दिने वाणिज्य बैङ्कले २० प्रतिशत मात्र लाभांश दिएको थियो ।

आर्थिक वर्ष २०६७/६८ देखि आर्थिक वर्ष ७६/७७ सम्म नबिल बैङ्कले प्रदान गरेको लाभांशलाई हेर्दा बैङ्कले निरन्तर आकर्षक लाभांश शेयर धनीलाई दिँदै आएको देख्न सकिन्छ । १० वर्षको अवधिमा नबिल बैङ्कले २१२.५ प्रतिशत बोनस शेयर र २४०.६०२ प्रतिशत नगद लाभांश गरी जम्मा ४५३ दशमलव १०२ प्रतिशत लाभांश दिएको छ।

आर्थिक वर्ष ७७/७८ को तेस्रो त्रैमासलाई आधार मान्दा वाणिज्य बैङ्कहरू मध्ये नबिल बैङ्कले आफ्ना शेयर धनीहरूलाई सर्वाधिक ३७ प्रतिशत सम्म लाभांश दिन सक्ने क्षमता राख्ने देखिन्छ अर्थात् नबिल बैङ्कको चैत्र मसान्तसम्मको ३ अर्ब ८० करोड वितरणयोग्य मुनाफालाई वार्षिककरण गर्दा नबिल बैङ्कले आफ्ना शेयर धनीहरूलाई ३७ प्रतिशत सम्म लाभांश दिन सक्ने देखिन्छ । त्यस्तै २७ वटा वाणिज्य बैङ्कहरू मध्ये नबिल बैङ्कले ९ महिनाको अवधि (आर्थिक वर्ष ७७/७८को तेस्रो त्रैमाससम्म) मा सर्वाधिक ३ अर्ब ६७ करोड खुद मुनाफा कमाएको छ। प्रति शेयर वितरणयोग्य मुनाफा सर्वाधिक भएको हुँदा बैङ्कले यस पटक पनि अन्य बैङ्कहरू भन्दा धेरै लाभांश दिन सक्ने आकलन गर्न सकिन्छ।

Disclaimer: This analysis done from the publicly available data is for educational purpose only. Contents of this post is strictly prohibited for Stock Trading purpose.

infolink

Mega Bank

slc share training