Gyanmandu.com

Gyanmandu LOGO

Reliable

ताजा

Ad Above News Title

ad mana

धितोपत्र बजारमा वृद्धि, झन्डै एक दर्जन कम्पनीको शेयर सर्किट लेभलमा कारोबार


ज्ञानमाण्डू। धितोपत्र बजारमा आज शेयर कारोबार मापक नेप्से परिसूचक एकल अङ्कले वृद्धि भएको छ । नेप्से परिसूचक आज १ दशमलव ९४ अंकले बढेर २६५४ दशमलव ६९ को विन्दुमा कायम हुँदा झन्डै एक दर्जन कम्पनीको शेयर, सर्किट लेभलमा कारोबार भएको छ। आज समाता घरेलु लघुवित्त वित्तिय संस्था लिमिटेड र महिला लघुवित्त वित्तिय संस्था लिमिटेडका लगानीकर्ताले सर्वाधिक कमाएका छन् । यस्तै सेन्सेटिभ परिसूचक शुन्य दशमलव ३२ अंकले बढेर ४७५ दशमलव ४४ को विन्दुमा पुगेको छ ।



आज कूल २१३ कम्पनीका १ करोड ३० लाख १५ हजार १८३ कित्ता शेयर रु ६ अर्ब ५ करोड २२ लाख ३६ हजार ८११ मा खरिद बिक्री भए । आजको कारोबारपछि बजार पूँजीकरण रु ३६ खर्ब ८३ अर्ब १३ करोड ३६ लाख २० हजार बराबर पुगेको छ ।



कारोबार भएका कूल १३ उपसमूह मध्ये ६ उपसमूहको शेयर वृद्धि भएको छ । आज ट्रेडिङ उपसमूह ९२ दशमलव ९३ अङ्कले बढ्दा जलविद्युत उपसमूह ३० दशमलव ९२ अङ्कले,  उत्पादन उपसमूह ६ दशमलव २७ अङ्कले, लघुवित्त उपसमूह १३७ दशमलव ८२ अङ्कले, सामूहिक लागनी कोष उपसमूह शुन्य दशमलव ०२ अङ्कले र लगानी उपसमूह शुन्य दशमलव २३ अङ्कले बढेको छ। यता, बैंकिङ उपसमूह ७ दशमलव ६४ अङ्कले घट्दा होटल तथा पर्यटन उपसमूह ३५ दशमलव ७७ अङ्कले, विकास बैंक उपसमूह ११ दशमलव २४ अङ्कले, वित्त उपसमूह ३ दशमलव ०८ अङ्कले, निर्जीवन बीमा ३६ दशमलव ६१ अङ्कले, अन्य उपसमूह २० दशमलव ११ अङ्कले र जीवन बीमा उपसमूह ६४ दशमलव २३ अङ्कले घटेको छ।



कारोबारको आधारमा आज नेपाल नेपाल क्रेडिट एण्ड कमर्स बैंक लिमिटेड शीर्ष स्थानमा रहेको छ । आज नेपाल क्रेडिट एण्ड कमर्स बैंकको २३ करोड ९ लाख रुपैयाँ माथिको शेयर कारोबार भएको छ । कम्पनीको शेयर मुल्य धितोपत्र बजारमा आज १ दशमलव ३८  प्रतिशतले बढेको छ । त्यस्तै, अरुण काबेली पावर लिमिटेडको २१ करोड ८३ लाख रुपैयाँ माथिको शेयर कारोबार भएको छ । कम्पनीको शेयर मुल्य धितोपत्र बजारमा आज ३ दशमलव २४ प्रतिशतले बढेको भएको छ ।

आज ग्रामिण विकास लघुवित्त वित्तिय संस्था लिमिटेडको १६ करोड ८९ लाख रुपैयाँ माथिको शेयर कारोबार भएको छ । त्यस्तै, नेपाल इन्फ्रास्ट्रक्चर बैंक लिमिटेडको १६ करोड ४८ लाख रुपैयाँ माथिको र अपी पावर कम्पनी लिमिटेडको १४ करोड ६७ लाख माथिको शेयर कारोबार भएको छ।



नेप्से परिसूचक आज १ दशमलव ९४ अंकले बढ्दा झन्डै एक दर्जन कम्पनीको शेयर, सर्किट लेभलमा कारोबार भएको छ। आज समाता घरेलु लघुवित्त वित्तिय संस्था लिमिटेड र महिला लघुवित्त वित्तिय संस्था लिमिटेडका लगानीकर्ताले सर्वाधिक कमाएका छन् । उक्त कम्पनीका लगानीकर्ताले समान १० प्रतिशतका दरले कमाएका छन् ।

त्यसै गरि, विशाल बजार कम्पनी लिमिटेडका लगानीकर्ताले ९ दशमलव ९९ प्रतिशतका दरले कमाएका छन्। यता सपोर्ट माइक्रोफाइनान्स वित्तिय संस्था लिमिटेडका लगानीकर्ताले ९ दशमलव ९८ प्रतिशतका दरले कमाएका छन् भने राधी विद्युत कम्पनी  लिमिटेड र रुरु जलविद्युत परियोजना लिमिटेडका लगानीकर्ताले समान ९ दशमलव ९० प्रतिशतका दरले कमाएका छन्।

त्यस्तै, सिंगटी हाईड्रो इनर्जी लिमिटेडका लगानीकर्ताले ९ दशमलव ८२ प्रतिशतका दरले, युनाइटेड मोदी हाइड्रोपावर लिमिटेडका लगानीकर्ताले ९ दशमलव ७३ प्रतिशतका दरले, पञ्चकन्या माई हाइड्रोपावर लिमिटेडका लगानीकर्ताले ९ दशमलव ६८ प्रतिशतका दरले, युनिभर्सल पावर कम्पनी लिमिटेडका लगानीकर्ताले ८ दशमलव ९९ प्रतिशतका दरले र सिनर्जी पावर डेभेलप्मेन्ट कम्पनी लिमिटेडका लगानीकर्ताले ८ दशमलव १६ प्रतिशतका दरले कमाएका छन् ।



यता, चन्द्रागिरि हिल्स लिमिटेडका लगानीकर्ताले अधिकतम गुमाएका छन् । सो कम्पनीका लगानीकर्ताले १ दशमलव ९८ प्रतिशतका दरले गुमाएका छन् । यता एन एल जी इन्स्योरेन्स कम्पनी लिमिटेडका लगानीकर्ताले १ दशमलव ७३ प्रतिशतका दरले गुमाएका छन् भने हिमालयन जनरल  इन्स्योरेन्स कम्पनी लिमिटेडका लगानीकर्ताले १ दशमलव ६३ प्रतिशतका दरले गुमाएका छन्।

infolink

Mega Bank

slc share training