Gyanmandu.com

Gyanmandu LOGO

Reliable

ताजा

Ad Above News Title

धितोपत्र बजारमा शुन्य दशमलव ६२ अंकको गिरावट, नेप्से २८७५.९८ को विन्दुमा


ज्ञानमाण्डू। धितोपत्र बजारमा आज शेयर कारोवार मापक नेप्से परिसूचक एकल अङ्कले ऒरलो लागेको छ । नेपाल स्टक एक्सचेञ्जका अनुसार नेप्से परिसूचक शुन्य दशमलव ६२ अंकले घटेर २८७५ दशमलव ९८ को विन्दुमा कायम भएको छ । यस्तै सेन्सेटिभ परिसूचक १ दशमलव ५३ अंकले घटेर ५३५ दशमलव २९ को विन्दुमा पुगेको छ ।


आज कूल २३० कम्पनीका १ करोड ४४ लाख ७४ हजार ८५५ कित्ता शेयर रु ७ अर्ब ०५ करोड ०७ लाख ७० हजार ०७० मा खरिद बिक्री भए ।



कारोबार भएका कूल १३ उपसमूह मध्ये ९ उपसमूहको शेयर ऒरालो लागेको छ । ट्रेडिङ उपसमूह शुन्य दशमलव ६ अङ्कले बढ्दा जलविद्युत ६२ दशमलव ७५ अङ्कले, जीवन बीमा उपसमूह ५९.३८ अङ्कले र लगानी उपसमूह शुन्य दशमलव १७ अङ्कले बढेको छ । यता, बैंकिङ उपसमूह २ दशमलव १७ अङ्कले घट्दा होटल तथा पर्यटन उपसमूह ३ दशमलव ३१ अङ्कले, विकास बैंक उपसमूह १२.०१ अङ्कले, वित्त उपसमूह ३६.४३ अङ्कले, निर्जीवन बीमा ६.३५ अङ्कले, उत्पादन उपसमूह २१.७२ अङ्कले, अन्य उपसमूह २२.५१ अङ्कले, लघुवित्त उपसमूह १७.८८ अङ्कले र सामूहिक लागनी कोष शुन्य दशमलव १७ अङ्कले घटेको छ।


सबैभन्दा धेरै हाइड्रोपावरको सूचक १.९१ प्रतिशतले बढेको छ भने सबैभन्दा ठुलो गिरावट फाइनान्समा देखिएको छ ।



बिहिबार पनि सर्वाधिक कारोबार हुने कम्पनीहरूको अग्र स्थानमा रिडी हाइड्रोपावरमा कम्पनी लिमिटेड रहेको छ । कम्पनीको ४९ करोड ३९ लाख ४९ हजार २ सय २३ रूपैयाँ बराबरको कारोबार भएको हो ।



यस दिन हिमालयन पावर पार्टनर कम्पनीको शेयरमूल्य सबैभन्दा धेरै १० प्रतिशतले बढेको छ भने सानिमा लाइफ इन्स्योरेन्सको ९.९९ प्रतिशत, रैराङ हाइड्रोपावरको ९.२२ प्रतिशत, ग्रिन लाइफ हाइड्रोपावरको ९ प्रतिशत, माउन्टेन हाइड्रोकाे ७.४१ प्रतिशत र युनियन हाइड्रोको ७.३२ प्रतिशतले बढेको छ।



यसैगरी रिद्धि हाइड्रोपावरको शेयरमूल्य सबैभन्दा धेरै ५.२६ प्रतिशतले घटेको छ भने आइसिएफसि फाइनान्सको ४.०२ प्रतिशत, सपोर्ट माइक्रोफाइनान्सको २.९४ प्रतिशत, युनिलिभर नेपालको २.८४ प्रतिशत र गोर्खाज फाइनान्सको २.७७ प्रतिशतले घटेको छ।

Mega Bank

Ad After News Content