Gyanmandu.com

Gyanmandu LOGO

Reliable

ताजा

Landing Page, Road Block Admana

Global IME Bank

ad mana

एनएमबि लघुवित्तको २२.६३ प्रतिशत लाभांश प्रस्ताव



ज्ञानमाण्डू।एनएमबि लघुवित्त वित्तिय संस्था लिमिटेडले आफ्ना शेयरधनीलाई लाभांश वितरण गर्ने भएको छ । कम्पनीको मिति २०७८ साल कात्तिक ११ गते, बिहिबारका दिन बसेको सञ्चालक समितिको ११९ औँ बैठकले गरेको निर्णय अनुसार आ. व.२०७७/०७८ सम्मको संचित मुनाफाबाट हाल कायम चुक्ता पुँजीको जम्मा २२.६३ प्रतिशतले हुन आउने लाभांश आफ्ना शेयरधनीहरु माझ वितरण गर्ने प्रस्ताव अघि बढाएको छ ।

लघुवितको सञ्चालक समितिको बैठकले आ. व. २०७७/०७८ सम्मको मुनाफाबाट हाल कायम चुक्ता पूँजी ५३ करोड ९८ लाख ४ हजार ८२५ रुपैंयाको २१.५० प्रतिशतले हुन आउने ११ करोड ६० लाख ५८ हजार ३७ रुपैँया ३८ पैसा बराबरको बोनस शेयर र १.१३ प्रतिशतले हुन आउने ६१ लाख ८ हजार ३१७ रुपैँया ७६ पैसा बराबरको नगद लाभांश(कर प्रयोजनार्थ समेत) गरी कुल २२.६३ प्रतिशत, लाभांश आफ्ना शेयरधनीहरु माझ वितरण गर्ने प्रस्ताव गरेको हो ।

प्रस्तावित लाभांश नियामक निकाय नेपाल राष्ट्र बैंक र आगामी वार्षिक साधारण सभाबाट अनुमोदन भएपछि मात्र लगानीकर्ताले प्राप्त गर्ने एनएमबि वित्तिय संस्था लिमिटेडले जानकारी दिएको छ ।

प्रस्तावित लाभांश गत वर्षको तुलनामा बढेको हो । आर्थिक वर्ष २०७६/७७ मा एनएमबि लघुवित वित्तिय संस्था लिमिटेडले १९ प्रतिशतले हुन आउने बोनस शेयर तथा सोको कर प्रयोजनार्थ १ प्रतिशतले हुन आउने नगद लाभांश आफ्ना शेयरधनीहरु माझ वितरण गरेको थियो ।


Ad Below News Title

Ad Inside News Content2

Admana

Energy Line

slc share training

below content