Gyanmandu.com

Gyanmandu LOGO

Reliable

ताजा

Landing Page, Road Block Admana

Global IME Bank

ad mana

नेपाल लाइफ इन्स्योरेन्सको नाफामा गिरावट, खुम्चियो प्रतिशेयर आम्दानी


ज्ञानमाण्डू। चालु आर्थिक वर्षको पहिलो त्रैमाससम्म आइपुग्दा नेपाल लाइफ इन्स्योरेन्सको खुद नाफा घटेको छ । यस अवधिमा खुद नाफा ९६.९३% ले घटेर ७० लाख रुपैयाँमा सीमित भएको छ । अघिल्लो वर्ष यसै अवधिमा नेपाल लाइफले २२ करोड ९० लाख रुपैयाँ खुद नाफा कमाएको थियो ।

असोज मसान्तसम्ममा इन्स्योरेन्सको चुक्ता पूँजी ३१ प्रतिशत बढेर ७ अर्ब १९ करोड रुपैयाँ र जगेडा कोषको आकार ७६.२९ प्रतिशत घटेर ८६ करोड ९६ लाख रुपैयाँमा झरेको छ ।

कम्पनीको जीवन बिमा कोषको आकार भने २५.२५% ले बढेर १ खर्ब १८ अर्ब रुपैयाँ पुगेको छ । अघिल्लो वर्ष यसको जीवन बिमा कोषमा ९४ अर्ब ८२ करोड रुपैयाँ थियो । त्यस्तै, इन्स्योरेन्सको महाविपत्ती कोष ३.३८ प्रतिशतले बढेर ६३ करोड १३ लाख रुपैयाँ सञ्चित रहेको छ ।

समीक्षा अवधिमा इन्स्योरेन्सको खुद बीमाशुल्क ९.२१ प्रतिशत बढेर ९ अर्ब ७४ करोड रुपैयाँ पुगेको छ। गत वर्ष इन्स्योरेन्सले ८ अर्ब ९२ करोड ५१ लाख रुपैयाँ खुद बिमा शुल्क आर्जन गरेको थियो । यता, इन्स्योरेन्सले १६ हजार १२० दाबी बापत ३ अर्ब ९१ करोड रुपैयाँ भुक्तानी गरिसकेको छ।

नाफासँगै इन्स्योरेन्सको प्रतिशेयर आम्दानी पनि घटेको छ। इन्स्योरेन्सको प्रतिशेयर आम्दानी ०.३९ रुपैयाँ सीमित भएको छ भने प्रतिशेयर नेटवर्थ १२० रुपैयाँ ८५ पैसा छ र पछिल्लाे काराेबार मूल्य रू १६०८ काे आधारमा मूल्य आम्दानी अनुपात ४१२३.०७ गुणा रहेको छ ।

Ad Below News Title

Ad Inside News Content2

Admana

Energy Line

slc share training

below content