Gyanmandu.com

Gyanmandu LOGO

Reliable

ताजा

Ad Above News Title

ad mana

कात्तिकसम्ममा साढे ५५ अर्ब बराबरको थप ४७ करोड कित्ता धितोपत्र नेप्सेमा सूचीकृत


ज्ञानमाण्डू।राष्ट्र बैङ्कका अनुसार नेपाल स्टक एक्सचेन्ज लिमिटेडमा चालु आर्थिक वर्ष २०७८/७९ कात्तिक महिनाको अन्त्यसम्ममा कुल ५५ अर्ब ४५ करोड रुपैयाँ बराबरको थप धितोपत्र सूचीकृत भएका छन् । केन्द्रीय बैङ्कद्वारा प्रकाशित प्रतिवेदन अनुसार समीक्षा अवधिमा नेपाल धितोपत्र बोर्डले कुल ६ अर्ब ४२ करोड रुपैयाँ बराबरको धितोपत्र सार्वजनिक निष्काशनका लागि अनुमति दिएको छ ।

राष्ट्र बैङ्कले सार्वजनिक गरेको तथ्याङ्क अनुसार आर्थिक वर्ष २०७८/७९ को चौथो महिनासम्ममा नेपाल स्टक एक्सचेन्जमा ३४ अर्ब ५२ करोड रुपैयाँ बराबरको डिबेन्चर, ७ अर्ब ४५ करोड रुपैयाँ बराबरको साधारण शेयर, २ अर्ब ५० करोड रुपैयाँ बराबरको म्युचुअल फण्ड, २ अर्ब ३ करोड रुपैयाँ बराबरको बोनस शेयर र ८ अर्ब ९३ करोड रुपैयाँ बराबरको हकप्रद शेयर गरी कुल ५५ अर्ब ४५ करोड रुपैयाँ बराबरको ४७ करोड १ लाख २१ हजार कित्ता थप धितोपत्र सूचीकृत भएका छन् । गत आर्थिक वर्षको सोही अवधिमा १ खर्ब २१ अर्ब ६५ करोड रुपैयाँ बराबरको कुल १ अर्ब २३ करोड ९२ लाख ४१ हजार कित्ता धितोपत्र सूचीकृत भएका थिए।


चालु आर्थिक वर्ष २०७८/७९ कात्तिक महिनाको अन्त्यसम्ममा वाणिज्य बैङ्क उपसमूहको ३१ अर्ब २ करोड रुपैंया बराबरको ३ करोड १० लाख कित्ता धितोपत्र नेप्सेमा सूचिकृत हुँदा विकास बैङ्क उपसमूहको ३ अर्ब ५० करोड रुपैंया बराबरको ३५ लाख कित्ता, बीमा(जीवन र निर्जीवन) समूहको ३ अर्ब ३ करोड रुपैंया बराबरको ३ करोड ३ लाख कित्ता, वित्त उपसमूहको २८ करोड २९ लाख रुपैंया बराबरको २८ लाख २९ हजार कित्ता, लघुवित्त उपसमूहको १ अर्ब २३ करोड रुपैंया बराबरको १ करोड ३६ लाख कित्ता, उत्पादन उपसमूहको २९ लाख रुपैंया बराबरको २९ हजार कित्ता, जलविद्युत उपसमूहको १३ अर्ब ६० करोड रुपैंया बराबरको १३ करोड ६० लाख कित्ता र अन्य उपसमूहको २ अर्ब ७७ करोड रुपैंया बराबरको २५ करोड २७ लाख कित्ता धितोपत्र नेप्सेमा सूचिकृत भएका छन्।



समीक्षा अवधिमा नेपाल धितोपत्र बोर्डले ३ अर्ब बराबरको म्युचुअल फण्ड, १ अर्ब ५८ करोड बराबरको साधारण शेयर, १ अर्ब ६० करोड बराबरको डिबेन्चर र २४ करोड ३३ लाख बराबरको हकप्रद शेयर गरी कुल ६ अर्ब ४२ करोड रुपैयाँ बराबरको धितोपत्र सार्वजनिक निष्काशनका लागि अनुमति दिएको राष्ट्र बैङ्कको प्रतिवेदनमा उल्लेख छ ।

२०७८ साल कात्तिकमा नेपाल स्टक एक्सचेन्ज लिमिटेडमा सूचीकृत कम्पनीहरूको संख्या २२२ पुगेको राष्ट्र बैंकले जानकारी दिएको छ । सूचीकृत कम्पनीहरुमध्ये १४३ बैंक तथा वित्तीय संस्था र बीमा कम्पनी रहेका छन् भने ४३ जलविद्युत् कम्पनी, १९ उत्पादन तथा प्रशोधन उद्योग, ५ होटल, ५ लगानी कम्पनी, ४ व्यापारिक संस्था र ३ अन्य समूहका रहेका छन् । गत वर्ष २०७७ साल कात्तिकमा सूचीकृत कम्पनीहरूको संख्या २१२ रहेको राष्ट्र बैंकले उल्लेख गरेको छ।

slc share training