Gyanmandu.com

Gyanmandu LOGO

Reliable

ताजा

Global IME Bank

Bizbazar

ad mana

राज्य–निजी क्षेत्र साझेदारीमा सरकारी रुग्ण उद्योगहरू सञ्चालन गरौँ, वरिष्ठ उपाध्यक्ष ढकाल

chandra dhakal

ज्ञानमाण्डू। नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले सरकार र निजी क्षेत्र बिच साझेदारीमा बन्द रहेका सरकारी उद्योगहरू पुनः सञ्चालन गर्न सकिने बताउनुभएको छ ।

शनिवार गोरखा उद्योग वाणिज्य सङ्घको ४६औँ वार्षिक साधारण सभा तथा १६औँ अधिवेशनलाई सम्बोधन गर्दै वरिष्ठ उपाध्यक्ष ढकालले सरकार र निजी क्षेत्रको बिचमा साझेदारी गरी गोरखकाली रबर उद्योग लगायतका बन्द तथा घाटामा रहेका उद्योगहरू सञ्चालन गर्न सकिने बताउनुभयो ।

“यहाँ गोरखकाली रबर उद्योग सञ्चालनको कुरा उठेको छ । यस्ता उद्योगहरू धेरै बन्द अवस्थामा छन् । निजी क्षेत्र र सरकार बिच साझेदारी हुन सकेमा हामीले एउटा कन्सोर्टिएम बनाएर त्यस्ता उद्योगहरूमा लगानी गरी तिनीहरूलाई पुनः सञ्चालन गर्न सकिन्छ,” उहाँले भन्नुभयो ।

वरिष्ठ उपाध्यक्ष ढकालले पुँजीगत खर्च बढाउन बजेट खर्च गर्ने परम्परागत सरकारी तरिकामा परिवर्तन गर्न आवश्यक रहेको बताउनुभएको छ । ढकालले सरकारी ढुकुटीमा खरबौँ राजश्व जम्मा रहेको तर खर्च गर्ने पुरानो र परम्परागत शैलीका कारण खर्च बढ्न नसकेको बताउनुभएको छ ।

“अहिलेसम्म सरकारी ढुकुटीमा ४ खर्ब रुपैयाँभन्दा धेरै राजश्व सङ्कलन भइसकेको छ । यो पौष मसान्तभित्र थप एक खर्ब रुपैयाँ राजश्व सङ्कलन हुनेछ । तर राजश्व सङ्कलन केन्द्रीकृत हुने र यसलाई खर्च गर्ने मेकानिजम् नहुनाले बजारमा तरलताको समस्या देखा परेको छ,” उहाँले भन्नुभयो ।

गत पाँच महिनामा लक्ष्य भन्दा बढी राजश्व सङ्कलन भएको बताउँदै उहाँले यसमा निजी क्षेत्रको योगदान ठुलो रहेको बताउनुभयो ।

ढकालले सबै व्यवसायीहरूले नाफा मात्र नहेरेको बताउँदै उनीहरूले समाजप्रति उत्तरदायी भएर गरेको सेवा भावनालाई पनि सबैले सम्मान गर्नुपर्ने बताउनुभयो । उहाँले मुलुकको राजश्वमा ठुलो योगदान रहेको निजी क्षेत्रलाई सरकारको मर्यादाक्रममा समेत नसमेटिएकोमा गुनासो गर्नुभयो ।

“मुलुकको अर्थतन्त्रमा ७० प्रतिशतभन्दा बढी योगदान निजी क्षेत्रको रहेको छ । सरकारी राजश्व सङ्कलनमा पनि निजी क्षेत्रले सहयोग गरेको छ । त्यसैले निजी क्षेत्रलाई सँगसँगै लिएर अगाडि बढ्दा सरकारलाई पनि सहयोग पुग्नेछ,” उहाँले भन्नुभयो ।

बजार अनुगमनका नाममा व्यवसायीहरूले दुख पाएको र त्यसलाई मर्यादित बनाउनुपर्ने उहाँले बताउनुभयो ।
वरिष्ठ उपाध्यक्ष ढकालले स्थानीय स्तरमा लगानीका सम्भावनाहरू भएमा महासङ्घको तर्फबाट तथा व्यक्तिगत साझेदारी गर्न आफू तयार रहेको बताउनुभयो ।

“तपाई हामीबिच व्यावसायिक सम्बन्ध भयो भने हामी पोस्टमा हुँदा र नहुँदा पनि सम्बन्ध रहने हुन्छ । यहाँका स्थानीय सम्भावनाहरू के के छन् । उत्पादनमूलक उद्योग, पर्यटन वा अन्य कुनै पनि व्यवसायमा जोडिन सकियो भने यो सम्बन्ध रहिरहन्छ,” उहाँले भन्नुभयो ।

Ad Below News Title

Ad Inside News Content2

Admana

Energy Line

slc share training

below content