Gyanmandu.com

Gyanmandu LOGO

Reliable

ताजा

Global IME Bank

Bizbazar

ad mana

एक अर्कालाई टक्कर दिने वाणिज्य बैङ्कहरू ग्लोबल आइएमई, एनआईसी एशिया र नबिललाई दाँजेर हेर्दा

ज्ञानमाण्डू। २३ वटा वाणिज्य बैङ्कहरूले आर्थिक वर्ष २०७८/७९ को दाेस्राे त्रैमासको वित्तीय विवरण सार्वजनिक गरिसकेका छन्। ती मध्ये सर्वाधिक नाफा कमाउन सफल ग्लोबल आइएमई बैङ्क, एनआईसी एशिया बैङ्क र नबिल बैङ्क गरी २ अर्ब माथि नाफा कमाएका ३ वटा वाणिज्य बैंकहरुलाई दाेस्राे त्रैमासको वित्तीय विवरणका आधारमा तुलना गर्ने प्रयास गरिएको छ ।

चुक्ता पुँजी: ग्लोबल आइएमई बैंकको सबै भन्दा बढि २३ अर्ब ७९ करोड रुपैयाँ चुक्ता पुँजी रहेको छ भने नबिल बैंककाे १८ अर्ब ४९ करोड रुपैयाँ र एनआईसी एशिया बैंककाे ११ अर्ब ५६ करोड रुपैयाँ चुक्ता पुँजी रहेको छ ।

निक्षेप संकलन: २ खर्ब ९४ अर्ब रुपैयाँ निक्षेप संकलन गरि एनआईसी एशिया बैंक अगाडि रहेको छ भने ग्लोबल आइएमई बैंकले २ खर्ब ७१ अर्ब रुपैयाँ र नबिल बैंकले २ खर्ब ३२ अर्ब रुपैयाँ निक्षेप संकलन गरेका छन् ।

कर्जा लगानी: नबिल बैंकले २ खर्ब १५ अर्ब रुपैयाँ र ग्लोबल आइएमई बैंकले २ खर्ब ५६ अर्ब रुपैयाँ कर्जा लगानी गरेका छन् भने एनआईसी एशिया बैंकले २ खर्ब ६१ अर्ब रुपैयाँ कर्जा लगानी गर्दै कर्जा लगानीमा अघि रहेको छ ।

खुद ब्याज आम्दानी: एनआईसी एशिया बैंकले व्यवसाय विस्तारबाट ग्लोबल आइएमई बैंक र नबिल बैंकले भन्दा बढि खुद ब्याज आम्दानी गरेको छ। एनआईसी एशिया बैंकले ५ अर्ब २४ करोड रुपैयाँ, ग्लोबल आइएमई बैंकले ४ अर्ब ७९ करोड रुपैयाँ र नबिल बैंकले ४ अर्ब २१ करोड रुपैयाँ खुद ब्याज आम्दानी गरेका छन् ।

नाफा: ग्लोबल आइएमई बैंकले सबै भन्दा बढि २ अर्ब ६६ करोड रुपैयाँ नाफा कमाउन सफल भएकाे छ भने एनआईसी एशिया बैंकले २ अर्ब ४० करोड रुपैयाँ र नबिल बैंकले २ अर्ब १८ करोड रुपैयाँ नाफा कमाएको देखिन्छ ।

top commercial bank of nepal

Click here to join Gyanmandu.com's Viber Community

जगेडा कोष: नबिल बैंकको जगेडा कोषमा १४ अर्ब ६२ करोड रुपैयाँ रहेको छ भने ग्लोबल आइएमई बैंकको ९ अर्ब २१ करोड रुपैयाँ र एनआईसी एशिया बैंकको ८ अर्ब ७६ करोड रुपैयाँ रहेको छ ।

संचित मुनाफा: एनआईसी एशिया बैंकको संचित मुनाफा २ अर्ब ७८ कराेड रुपैयाँ रहेको छ भने ग्लोबल आइएमई बैंककाे संचित मुनाफा १ अर्ब ४८ कराेड रुपैयाँ र नबिल बैंकको ९६ करोड २० लाख रुपैयाँ रहेको छ ।

वितरण याेग्य मुनाफा: ग्लोबल आइएमई बैंककाे सबै भन्दा बढि १ अर्ब ४८ कराेड रुपैयाँ वितरण याेग्य मुनाफा रहेको छ भने नबिल बैंकको १ अर्ब ४५ कराेड रुपैयाँ र एनआईसी एशिया बैंककाे ८५ करोड ९३ लाख रुपैयाँ वितरण याेग्य मुनाफा रहेको छ ।

निस्क्रिय कर्जा: एनआईसी एशिया बैंकको निस्क्रिय कर्जा सबै भन्दा कम ० दशमलव ४७ प्रतिशत देखिन्छ भने नबिल बैंकको १ दशमलव ११ प्रतिशत र ग्लोबल आइएमई बैंकको १ दशमलव १३ प्रतिशत निस्क्रिय कर्जा देखिन्छ ।

प्रति शेयर आम्दानी: ग्लोबल आइएमई बैंकको प्रति शेयर आम्दानी २२ रुपैयाँ ३९ पैसा र नबिल बैंककाे प्रति शेयर आम्दानी २३ रुपैयाँ ५९ पैसा रहेकाे छ भने एनआईसी एशिया बैंक प्रति शेयर आम्दानी ४१ रुपैयाँ ५४ पैसा सहित अघि छ ।

मूल्य आम्दानी अनुपात: पछिल्लाे काराेबार मूल्य ग्लोबल आइएमई बैंकको रू ३४१, एनआईसी एशिया बैंकको रू ९१७ र नबिल बैंकको रू ११७८ काे आधारमा ग्लोबल आइएमई बैंकको मूल्य आम्दानी अनुपात १५.२३ गुणा र एनआईसी एशिया बैंकको २२.०८ गुणा छ भने नबिल बैंकको मूल्य आम्दानी अनुपात ४९.९४ गुणा रहेकाे छ ।
डिस्क्लेमर: सार्वजनिक रूपमा उपलब्ध तथ्याङ्कबाट गरिएको यो विश्लेषण शैक्षिक उद्देश्यको लागि मात्र हो। यस पोस्टको सामग्री स्टक ट्रेडिंग उद्देश्यको लागि सख्त रूपमा निषेध गरिएको छ।

Ad Below News Title

Ad Inside News Content2

Energy Line

slc share training