सत्यदिप इन्टरनेसनलद्वारा केज पार्टनर्स मिट २०२५ सफलतापूर्वक सम्पन्न

केज ब्याट्रीको नेपालका लागि आधिकारिक वितरक तथा नेपालको अटोमोटिभ स्पेयर पार्ट्स वितरणको क्षेत्रमा ख्यातिप्राप्त कम्पनी सत्यदिप इन्टरनेसनलले केज पार्टनर्स मिट २०२५ सफलतापूर्वक सम्पन्न गरेको छ । गत जेठ २ गते (मे १६) चितवनको सौराहास्थित पार्क सफारी रिसोर्टमा सम्पन्न सो कार्यक्रममा स्टेक होल्डर, पार्टनर र डिलरहरूले आफ्नो व्यावसायिक सफलता र भविष्यको योजना बारेमा जानकारी आदानप्रदान गर्ने अवसर पाएका थिए ।

सो अवसरमा सत्यदिप इन्टरनेसनलका म्यानेजिङ डाइरेक्टर दीपेन्द्र कुमार मिश्रले कम्पनीको दुई दशक देखिको यात्राको बारेमा जानकारी प्रदान गर्नुका साथै सत्यदिपको गुणस्तर, विश्वसनीयता र देशव्यापी वितरण क्षमताको बारेमा जानकारी प्रदान गर्नुभएको थियो । सहभागी बिचमा अन्य कुराका अतिरिक्त केजको उत्पादन क्षमताका बारेमा विशेष प्रकारको भिडियो प्रदर्शन गरिएको थियो, जसले महत्त्वपूर्ण जानकारीका साथ सो दिनलाई अर्थपूर्ण बनाउन भूमिका खेलेको थियो ।

सो अवसरमा केजको ग्लोबल भिजन र प्रडक्ट इनोभेसनको बारेमा केजका सेल्स डाइरेक्टर चोङ चिन सियोङ र केज ब्रान्डको नेपालमा बजार रणनीति, प्रभावशाली वृद्धि पथ र भविष्यको योजना बारेमा सत्यदिप इन्टरनेसनलका बिजनेस डेभलपमेन्ट म्यानेजर दिवाकर मिश्रले प्रस्तुतीकरण मार्फत जानकारी प्रदान गर्नुभएको थियो । सो अवसरमा सत्यदिपको लोभलाग्दो बजार प्रभाव बारेमा तथ्यांकिय प्रस्तुतीकरण गरिएको थियो ।

कार्यक्रम समापनको अवसरमा सत्यदिप इन्टरनेसनलका म्यानेजिङ डाइरेक्टर दीपेन्द्र कुमार मिश्रले सहभागी सबैलाई धन्यवाद ज्ञापन गर्दै नवीनता, विश्वास र सहकार्यसहित नेतृत्व गर्ने सत्यदिपको भिजनलाई पुनः पुष्टि गर्नुभयो ।

नेपालमा केजले चाइनिज–ओरिजिन ब्याट्रीमा ४० प्रतिशत र नेपालको दुई पाङ्ग्रे सवारीको ब्याट्री बजारमा २० प्रतिशत भन्दा बढी बजार हिस्सा ओगटेको छ । यस कारण यो सेगमेन्टमा केज नम्बर १ ब्याट्री ब्रान्ड बनेको छ ।

सत्यदिप इन्टरनेसनल प्रा.लि. सन् २००२ मा स्थापना भएको हो, जसले नेपालमा प्रिमियम अटोमोटिभ स्पेयर पार्ट्स र ब्याट्रीको क्षेत्रमा विश्वासिलो वितरकको पहिचान कायम गरेको छ । नेपाली बजारमा बोस, भालेओ, जेडएफ र केज लगायतका विभिन्न ब्रान्डसँगको सहकार्यमा कार्य गरिरहेको सत्यदिप इन्टरनेसलन रिटेल नेटवर्क, विश्वसनीयता र अतुलनीय सर्भिसका लागि परिचित छ ।