रिलायबल नेपाल लाइफ इन्स्योरेन्स लिमिटेडले आजदेखि आफ्नो नवौँ वर्षको यात्रा सुरु गरेको छ। २०७४ साल भदौ १५ गतेदेखि बीमा सेवा सञ्चालन गर्दै आएको यस कम्पनीले आठ वर्षको छोटो अवधिमा जीवन बीमा क्षेत्रमा विश्वसनीय ब्रान्डको छवि बनाउन सफल भएको छ।
कम्पनीले हालसम्मको यात्रामा उल्लेख्य वित्तीय उपलब्धि हासिल गरेको छ। पछिल्लो आर्थिक वर्षमा मात्र ५ अर्ब ३९ करोड रुपैयाँ कुल बीमा शुल्क आर्जन गरेको कम्पनीले ५ अर्ब ३ करोड रुपैयाँ खुद बीमा शुल्क संकलन गर्न सफल भएको छ। यसै गरी जीवन बीमा कोषको आकार बढ्दै १३ अर्ब ५७ करोड रुपैयाँ पुगेको छ भने ५७ करोड १ लाख रुपैयाँ नाफा आर्जन गर्दै कम्पनीले आफ्नो व्यवसायिक सशक्तता देखाएको छ।
वार्षिकोत्सवको अवसरमा कम्पनीले नियामक निकाय, संस्थापक, अभिकर्ता, बीमित, पत्रकार तथा कर्मचारीप्रति आभार प्रकट गर्दै आगामी दिनमा अझ उत्कृष्ट सेवा प्रदान गर्ने प्रतिबद्धता जनाएको छ। छोटो समयमै विश्वसनीय जीवन बीमा कम्पनी बन्न सफल रिलायबल नेपाल लाइफ ग्राहकहरूको प्राथमिक रोजाइमा पर्न सफल भएको छ।
