विश्वकप क्रिकेटमा आज इंग्ल्यान्ड सँग खेल्दै नेपाल

आइसिसी टी–२० पुरुष विश्वकप क्रिकेटको पहिलो खेलमा आज नेपालले विश्व विजेता इंग्ल्यान्डसँग प्रतिस्पर्धा गर्दै छ। विश्वकप क्रिकेट २०२६ अन्तर्गतको यो खेल आज आइतबार भारतको मुम्बईस्थित वानखेडे स्टेडियममा हुँदै छ ।

खेल नेपाली समयअनुसार दिउँसो ३:१५ बजे सुरु हुनेछ । समूह चरणका सबै खेल वानखेडे स्टेडियममै खेल्ने नेपालले बलियो टिम इंग्ल्यान्ड विरुद्ध उत्कृष्ट सुरुवात गर्ने लक्ष्य राखेको छ ।

रोहितकुमार पौडेलको कप्तानीमा नेपालले दोस्रो पटक विश्वकप यात्रा थालेको हो । टिममा अधिकांश अलराउन्डर समावेश छन् । कप्तान रोहितको मैदानभित्र देखिएको नेतृत्व क्षमताका कारण नेपालले विगतमा बलिया टिमहरू विरुद्ध पनि अप्रत्याशित नतिजा निकाल्दै आएको छ । यसपालि आरिफ शेखसहित बसीर अहमद, नन्दन यादव, शेर मल्ल र लोकेश बम पहिलो पटक विश्वकप टोलीमा अटाएका छन् । यी खेलाडीहरूको डेब्यु हुने सम्भावनाले पनि आजको खेल थप चासोपूर्ण बनेको छ ।

नेपाली खेलाडीहरू:
कुशल भुर्तेल, आसिफ सेख, सन्दीप जोरा, आरिफ सेख, बसिर अहमेद, सोमपाल कामी, करण केसी, नन्दन यादव, गुल्सनकुमार झा, ललितनारायण राजंवशी, शेर मल्ल, लोकेश बम, सन्दीप लामिछाने, कप्तान: रोहितकुमार पौडेल र उपकप्तान: दीपेन्द्रसिंह ऐरी हुन् ।