बागमती प्रदेश सरकारले चालु आर्थिक वर्ष २०८२/८३ को पहिलो १० महिनामा ३१ अर्ब ३३ करोड ५५ लाख ४८ हजार रुपैयाँ राजस्व सङ्कलन गरेको छ।
प्रदेश सरकारका अनुसार घरजग्गा रजिस्ट्रेसन शुल्क र सवारीसाधन कर राजस्वको प्रमुख स्रोतका रूपमा रहेका छन्। घरजग्गा रजिस्ट्रेसन तथा सवारी कर शीर्षकसहितको बाँडफाँटबाट साउनदेखि वैशाखसम्म २० अर्ब १ करोड ३ लाख ८९ हजार रुपैयाँ राजस्व सङ्कलन भएको आन्तरिक मामिला तथा योजना विकास मन्त्रालयले जनाएको छ।
मन्त्रालयका अधिकृत इन्द्रराज सञ्ज्यालका अनुसार सोही अवधिमा सङ्घीय सरकारबाट समानीकरण अनुदान मार्फत ७ अर्ब ९४ करोड २७ लाख ५६ हजार रुपैयाँ प्राप्त भएको छ। यस्तै, प्रदेश सरकारको आन्तरिक स्रोतबाट ३ अर्ब २४ करोड ५२ लाख ४१ हजार रुपैयाँ राजस्व उठेको उल्लेख गरिएको छ।
उहाँको अनुसार आर्थिक तरलताको प्रभावका कारण घरजग्गा तथा नयाँ सवारीसाधनको खरिद–बिक्रीमा कमी आउनु, साथै गत भदौ २३ र २४ गते भएको ‘जेनजी’ आन्दोलनका क्रममा राजस्व सङ्कलन गर्ने निकायहरूमा पुगेको क्षति लगायतका कारण अपेक्षाअनुसार राजस्व उठ्न नसकेको हो।
बागमती प्रदेशले १० महिनामा ३१ अर्ब भन्दा बढी राजस्व सङ्कलन गर्यो
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
