ङादी ग्रुप पावर लिमिटेडले यही फाल्गुन २५ गते ९ औँ वार्षिक साधारण सभा गर्ने भएको छ। कम्पनीले साधारण सभाको प्रयोजनको लागि फाल्गुन १० गते एक दिनको लागि बुक क्लोज गर्ने जानकारी दिएको तर फागुन ९ गते ल्होसारको सार्वजनिक बिदाका कारण आज (फाल्गुन ०८) सम्म कायम शेयरधनीहरुले मात्र वार्षिक साधारण सभामा भाग लिन पाउनेछन् ।
कम्पनीले साधारण सभा युनियन हाउस, अनामनगर, काठमाण्डाैँमा बिहान १०:०० बजे देखि आरम्भ हुने जानकारी दिएको छ।
सभाले सञ्चालक समितिको तर्फबाट अध्यक्षबाट पेस हुने आर्थिक वर्ष (आ.व) २०७८/०७९ को वार्षिक प्रतिवेदन उपर छलफल गरी पारित गर्ने छ । त्यसै गरी लेखापरीक्षककाे प्रतिवेदन सहितको आ.व २०७८/०७९ को वार्षिक विवरण उपर छलफल गरी पारित गर्ने र आ.व २०७९/०८० को लागि लेखापरीक्षक नियुक्त गर्ने र निजको पारिश्रमिक तोक्ने प्रस्ताव पारित गर्ने छ ।
त्यसै गरी सभाले सञ्चालक समितिले प्रस्ताव गरे बमोजिम चुक्ता पुँजीको ४.७५ प्रतिशतका दरले हुन आउने रकम बराबरको बोनस शेयर र ०.२५ प्रतिशतका दरले हुन आउने रकम बराबरको नगद लाभांश (कर प्रयोजनसहित) वितरणको प्रस्ताव पनि पारित गर्ने छ ।
