नेपाल राष्ट्र बैङ्कले आगामी आइतबार बैङ्किङ प्रणालीमा रहेको अतिरिक्त तरलता व्यवस्थापनका उद्देश्यले ४० अर्ब रुपैयाँ निक्षेप सङ्कलनमार्फत उठाउने तयारी गरेको छ। तरलता नियन्त्रणका लागि केन्द्रीय बैङ्कले फेरि एक पटक निक्षेप सङ्कलन उपकरण सक्रिय गर्दै बैङ्क तथा वित्तीय संस्थाबाट रकम तान्न लागेको हो।
राष्ट्र बैङ्कका अनुसार निक्षेप सङ्कलनका लागि बोलकबोल आइतबार दिउँसो ३ बजे अनलाइनमार्फत मात्र सञ्चालन हुनेछ। इच्छुक बैङ्क तथा वित्तीय संस्थाले कम्तीमा १० करोड रुपैयाँदेखि सुरु गरी बढीमा ५ करोडले भाग जाँदा निःशेष हुने गरी तोकिएको कुल रकमसम्म प्रस्ताव पेस गर्न सक्नेछन्।
बोलकबोल ब्याजदरकै आधारमा हुने र बहु ब्याजदर प्रस्ताव गर्न सकिने व्यवस्था रहेको राष्ट्र बैङ्कले स्पष्ट पारेको छ। निक्षेप सङ्कलनमा ‘क’, ‘ख’ र ‘ग’ वर्गका बैङ्क तथा वित्तीय संस्थाहरूलाई मात्र सहभागी हुने अधिकार दिइएको छ।
यो निक्षेप सङ्कलन उपकरण ३५ दिनका लागि हुनेछ, जसको साँवा तथा ब्याज भुक्तानी पुस २० गते गरिने केन्द्रीय बैङ्कले जनाएको छ।
नेपाल राष्ट्र बैङ्कले बैङ्किङ प्रणालीबाट ४० अर्ब तरलता तान्दै
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
