चालु आर्थिक वर्षको सात महिनामा वीरगन्ज नाका हुँदै सवारीसाधन तथा तिनका पार्टपुर्जाको आयात उल्लेख्य रूपमा बढेको छ। यस अवधिमा कुल २३ अर्ब ५७ करोड रुपैयाँ बराबरका सवारीसाधन र पार्टपुर्जा भित्रिएका छन्, जुन गत वर्षको सोही अवधिको तुलनामा करिब ६ अर्ब ४२ करोड रुपैयाँले बढी हो।
वीरगन्ज भन्सार कार्यालयका अनुसार आयात बढेसँगै राजस्व सङ्कलनमा पनि सुधार देखिएको छ। सात महिनाको अवधिमा सवारीसाधन र पार्टपुर्जा आयातबाट मात्रै १६ अर्ब ७३ करोड रुपैयाँ राजस्व उठेको छ, जबकि गत वर्ष सोही अवधिमा १३ अर्ब २६ करोड रुपैयाँ सङ्कलन भएको थियो।
इन्धनबाट चल्ने सवारीतर्फ भने सङ्ख्या र मूल्यमा केही गिरावट देखिएको छ। चालु वर्षमा ६०९ वटा जिप, कार र भ्यान आयात भई १ अर्ब १६ करोड १३ लाख रुपैयाँ बराबरको कारोबार भएको छ, जसबाट २ अर्ब ८६ करोड रुपैयाँ राजस्व सङ्कलन भएको छ। अघिल्लो वर्ष सोही अवधिमा ७४८ वटा सवारी आयात हुँदा १ अर्ब ५० करोड रुपैयाँको कारोबार भएको थियो र ३ अर्ब ७३ करोड रुपैयाँ राजस्व उठेको थियो।
वीरगन्ज नाकाबाट सवारी आयातमा उछाल, ७ महिनामा २३ अर्ब भन्दा बढी सवारीसाधन भित्रियो
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
