धितोपत्र बजारमा आज शेयर कारोबार मापक नेप्से परिसूचक एकल अङ्कले बढेको छ । नेपाल स्टक एक्सचेन्जका अनुसार नेप्से परिसूचक १ दशमलव ५४ अङ्कले बढेर २०९६ दशमलव ०८ को विन्दुमा कायम भएको छ। यस्तै सेन्सेटिभ परिसूचक १ दशमलव ८९ अङ्कले बढेर ४०० दशमलव २६ को विन्दुमा पुगेको छ ।
आज कूल २५८ कम्पनीहरूका ५२ लाख ६ हजार ३७० कित्ता शेयर रु. १ अर्ब ९३ करोड १७ लाख १९ हजार १०३ मा खरिद बिक्री भए ।
कारोबार भएका कूल १३ उपसमूह मध्य जीवन बिमा उपसमूह ५२ दशमलव ९१ अङ्कले, लघुवित्त उपसमूह १५.६८ अङ्कले, निर्जीवन बिमा ४०.९७ अङ्कले, अन्य उपसमूह ४.७३ अङ्कले र ट्रेडिङ उपसमूह १७.१४ अङ्कले घटेका छन् । यता, बैङ्किङ उपसमूह १ दशमलव ६६ अङ्कले बढ्दा विकास बैङ्क उपसमूह ११ दशमलव ७४ अङ्कले, वित्त उपसमूह २७ दशमलव ७८ अङ्कले, होटेल तथा पर्यटन उपसमूह २३.९६ अङ्कले, जलविद्युत उपसमूह ७.४४ अङ्कले, लगानी उपसमूह शून्य दशमलव २७ अङ्कले, उत्पादन उपसमूह ३६.०९ अङ्कले र सामूहिक लगानी कोष शून्य दशमलव ०२ अङ्कले बढेको छ ।
