नेपाल राष्ट्र बैङ्कबाट भुक्तानी प्रणाली सञ्चालकको अनुमति प्राप्त स्मार्टच्वाईस टेक्नोलोजीज लिमिटेड (SCT) तथा ‘क’ वर्गको वाणिज्य बैङ्क प्रभु बैङ्कबिच फास्ट बैंकिङ्ग सेवा सञ्चालनको लागि सम्झौता सम्पन्न भएको कम्पनीले जानकारी दिएको छ । फास्ट बैंकिङ्ग नेपाली बैंकिङ्ग जगतमा मोबाइल बैंकिङ्ग तथा इन्टरनेट बैंकिङ्गमा खड्किएका समस्याहरूलाई समाधान गर्ने उद्देश्यका साथ विगत पाँच वर्षदेखि अध्ययन तथा अनुसन्धान गरी निर्माण भएको अाेम्नी च्यानल सोलुसन हो ।
सो सम्झौता पश्चात् प्रभु बैङ्कका ग्राहकहरूले फास्ट बैंकिङ्गको आधुनिक, सुरक्षित, गुणस्तरीय तथा भरपर्दो सुविधा प्राप्त गर्न सक्ने कम्पनीले बताएको छ । साथै, खुल्ला एपीआई (Open API) मार्फत बैङ्कका थप सेवाहरूलाई मोबाइल बैंकिङ्ग मै जोड्न सकिन्छ र फास्ट बैंकिङ्गले बैङ्कको शाखाहरूमा हुने ग्राहकहरूको उपस्थिति तथा म्यानुअल काम कटौती गरी ग्राहक र बैङ्क दुवैको समय र खर्च बृहत् रूपमा घटाउन सकिने कम्पनीले जनाएको छ ।
स्मार्टच्वाईस टेक्नोलोजीज र प्रभु बैङ्कबिच भएको यस सम्झौताले समग्र नेपालको डिजिटल भुक्तानीको क्षेत्रमा टेवा पुग्ने आशा गरेको सो कम्पनीले बताएको छ । सम्झौता पत्रमा स्माटच्वाईस टेक्नोलोजीज लिमिटेडका तर्फबाट प्रमुख कार्यकारी अधिकृत नारायण प्रकाश भुजु र प्रभु बैङ्कका तर्फबाट प्रमुख सञ्चालन अधिकृत रश्मि पन्तले हस्ताक्षर गर्नुभएको पनि कम्पनीले बताएको छ ।
स्माटच्वाईस टेक्नोलोजीज र प्रभु बैङ्कबिच फास्ट बैंकिङ्ग सेवा सञ्चालनको लागि सम्झौता
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
