ज्ञानमाण्डू। नबिल बैंक लिमिटेड प्रवर्द्धक रहेको तथा नबिल इन्भेष्टमेन्ट बैंकिङ्ग लिमिटेड योजना व्यवस्थापक रहेको नबिल म्युचुअल फण्ड अन्तर्गत संचालित बन्दमुखी म्युचुअल फण्ड योजना नबिल इक्विटी फण्ड (NEF) ले आर्थिक वर्ष २०७७/७८ को लागि आफ्ना इकाईधनीहरुलाई योजना प्रतिफल (लाभांश) दिने भएको छ। उक्त योजनाले इकाईधनीहरुलाई आर्थिक वर्ष २०७७/७८ का निम्ति ४०% नगद लाभांश (कर सहित) वितरण गर्ने जनाएको छ।
नबिल इन्भेष्टमेन्ट बैंकिङ्ग लिमिटेडको मिति २०७८ भाद्र २२ गते साँझ ५ : ४५ बजे बसेको संचालक समितिको ९४ औं बैठकले उक्त निर्णय गरेको हो।
कोषले आर्थिक वर्ष २०७७/७८ को मुनाफाबाट योजनाका इकाइधनीहरुलाई कुल योजनाको आकार रु.१ अर्ब २५ करोडको ४०% अर्थात रु. ५० करोड (कर समेत) लाभांश वितरण गर्न लागेको हो।
श्रावण मसान्त सम्ममा फण्डको प्रति इकाई खुद मुल्य रु.१९.२८ रहेको छ भने भाद्र १७ सम्ममा प्रति इकाई खुद मुल्य रु.१८.३९ कायम रहेको छ। हाल भाद्र २२ गतेको कारोबार अनुसार बजार प्रति इकाई मुल्य रु.१५.२३ रहेको छ।
