.jpg)
ज्ञानमाण्डू। मधेस प्रदेश सरकार, अर्थ मन्त्रालयले जानकी टेक्नोलोजी प्रा.लि.लाई EXCELLENCE FOR INNOVATION IN EMERGING SECTORS OF THE PROVINCE - ICT 2022 अवार्ड प्रदान गरेको छ । आईसीटी क्षेत्रमा उत्कृष्ट नवप्रवर्तन अभ्यासको कदर गर्दै माननीय मुख्यमन्त्री लालबाबु राउतको उपस्थितिमा मधेस प्रदेशको मुख्यमन्त्री कार्यालयले उक्त पुरस्कार प्रदान गरेका छन् । अवार्ड समारोह SEEP, CNI, UK AID र SWADESHI ले साउन १६ गते आयोजना गरेका थिए।
जानकी टेक्नोलोजी २००७ मा एक कलेज छात्रावासबाट सुरु भएको सह-संस्थापक संचालित कम्पनी रहेका कम्पनीले बताएकाे छ। आज, कम्पनीले आफ्नो पाइलाहरू परिपक्व बनाएको छ र सुरुदेखि नै आफ्नो लगन, उत्साह पूर्ण समर्पणका साथ धेरै कोसेढुङ्गाहरू हासिल गरेको छ। जानकी टेक्नोलोजीको आफ्नो क्षेत्रमा गुणस्तरीय सेवाहरू प्रदान गर्ने प्रतिबद्धतालाई नेपालभरका विभिन्न उद्योगपति तथा मिडिया हाउसहरूले मान्यता दिएका छन्।
संसार एक डिजिटल युगमा परिणत भएको छ र प्राविधिक विकासको युगमा जानकी टेक्नोलोजी SparrowSMS र Khalti जस्ता अत्याधुनिक प्रविधिहरू उपलब्ध गराउने सबैभन्दा नयाँ प्रविधि प्रदायकहरूमध्ये एक रहेकाे कम्पनीले जनाएकाे छ। यहाहरू एक दशक भन्दा बढी यस क्षेत्रमा छन् र सफलतापूर्वक धेरै प्रविधिहरू स्थापना गरिसकेकाे कम्पनीले बताएकाे छ।
जानकी टेक्नोलोजी(SparrowSMS) काे सह-संस्थापक अरविन्द शाहले भने, “सूचना र प्रविधि हाम्रो समाज, हाम्रो देश तथा हाम्रो अर्थतन्त्रका अत्यावश्यक अंगहरू हुन्। प्रतिष्ठित ICT अवार्ड अफ EXCELLENCE प्राप्त गर्नु हाम्रा लागि ठूलो सम्मान हो। यी मान्यताहरूले हामीले समुदाय र राष्ट्रलाई कसरी प्रोत्साहन पुर्याएका छौं भनेर देखाउँछ।"
