धितोपत्र बजारमा आज शेयर कारोबार मापक नेप्से परिसूचक एकल अङ्कले बढेको छ । नेपाल स्टक एक्सचेन्जका अनुसार नेप्से परिसूचक ५ दशमलव १९ अङ्कले बढेर २५०९ दशमलव ०४ को विन्दुमा कायम भएको छ। यस्तै सेन्सेटिभ परिसूचक शून्य दशमलव ६० अङ्कले घटेर ४३७ दशमलव ०० को विन्दुमा पुगेको छ ।
आज कूल ३१३ कम्पनीहरूका ५५ लाख ९६ हजार ०७७ कित्ता शेयर रु. २ अर्ब ६६ करोड १३ लाख २ हजार २८४ मा खरिद बिक्री भए ।
कारोबार भएका कूल १३ उपसमूहहरू मध्य बैङ्किङ उपसमूह ४ दशमलव ८४ अङ्कले, विकास बैङ्क उपसमूह १५ दशमलव ४५ अङ्कले, वित्त उपसमूह १५ दशमलव ८३ अङ्कले, होटेल तथा पर्यटन उपसमूह ३४.४१ अङ्कले, जलविद्युत उपसमूह १०.६० अङ्कले, लगानी उपसमूह शून्य दशमलव ३४ अङ्कले, लघुवित्त उपसमूह ११.१४ अङ्कले र सामूहिक लगानी कोष शून्य दशमलव ०४ अङ्कले घटेका छन् । यता, जीवन बिमा उपसमूह ८९.२५ अङ्कले बढ्दा उत्पादन उपसमूह १.५३ अङ्कले, निर्जीवन बिमा ८.९३ अङ्कले, अन्य उपसमूह ६९.०२ अङ्कले र ट्रेडिङ उपसमूह ३१.४० अङ्कले बढेका छन् ।
साताको पहिलो कारोबार दिन धितोपत्र बजारमा ५.१९ अङ्कको वृद्धि
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
