ज्ञानमाण्डू। शिवम् सिमेन्ट्स लिमिटेडले भदाै १० गते (आज) विशेष साधारण सभा गर्दै छ। कम्पनीले विशेष साधारण सभा कम्पनीको कर्पोरेट कार्यालयको सभाहल अनामनगर, काठमाडौंमा बिहान ११:०० बजे देखि आरम्भ हुने जानकारी दिएको छ।
सभाले कम्पनीको स्वीकृत प्रबन्ध पत्रको दफा ६ को खण्ड (ग) लाई संशोधन गर्नेछ र खण्ड (घ) संशोधन गरी हटाउन स्वीकृति प्रदान गर्नेछ।
कम्पनीको स्वीकृत नियमावलीको नियम नं. २३ गणपुरक संख्या कूल शेयर संख्याको ६७ प्रतिशत रहेकोलाई संशोधन गरी ५१ प्रतिशत कायम गर्नेछ र नियमावलीको नियम नं. २५ को उप नियम (५) संशोधन गरी विशेषज्ञ संचालकको मनोनयन र अन्य संचालकहरुको निर्वाचन गर्ने सम्बन्धि व्यवस्था कायम गर्ने प्रस्तावलाई सभाले पारित गर्नेछ ।
त्यस्तै स्वीकृत नियमावलीको नियम नं. २७ को उप नियम (२) मा संचालक संख्या स्वतन्त्र व्यवसायिक विशेषज्ञ संचालक सहित ७जनाको हुने छ भन्ने व्यवस्थालाई संशोधन गरी स्वतन्त्र व्यवसायिक विशेषज्ञ संचालक १ जना र शेयरधनीहरुबाट निर्वाचित वा मनोनित ५ जना सहित ६ जनाको संचालक समिति हुनेछ भन्ने व्यवस्था कायम गर्नेछ ।
कम्पनीको नियमावलीको नियम नं. २९ संशोधन गरी स्वतन्त्र व्यवसायिक विशेषज्ञ संचालक १ जना संचालक समितिले नियुक्त गर्नेछ र नियमावलीको नियम नं. ३१ मा संशोधन गरी संचालकहरुको निर्वाचन, मनोनयन वा नियुक्ति गर्दा कम्पनी ऐन बमोजिमको प्रक्रिया पुरा गरी सभाबाट पारित गरिनेछ ।
कम्पनीले साधारण सभाको प्रयोजनको लागि भदाै २ गते एक दिनको लागि बुक क्लोज गरिसकेकाे छ। सो आधारमा भदाै १ गतेसम्म कायम शेयरधनीले साधारण सभामा भाग लिन सक्नेछन् ।
