ज्ञानमाण्डू। प्रभु बैंक लिमिटेड र होटेल ड फ्लेमिङ्गो प्रा.लि.का बिच होटेल ड फ्लेमिङ्गोमा आकर्षक छुट प्रदान गर्ने सम्बन्धी सम्झौता सम्पन्न भएको छ । बैंकका तर्फबाट मणिग्राम शाखा कार्यालयका प्रमुख श्री सन्तोष खत्री र होटेल ड फ्लेमिङ्गो प्रा.लि.का तर्फबाट निर्देशक श्री दिलीप गौचन द्वारा उक्त सम्झौतामा हस्ताक्षर गर्नुभएको हो । प्रभु बैंक र होटेल ड फ्लेमिङ्गो प्रा.लि. बिच सम्पन्न सम्झौता अनुसार प्रभु बैंकमा खाता खोली बैंकिङ्ग कारोबार गरिरहनुभएका सम्पूर्ण ग्राहकहरूले होटेल ड फ्लेमिङ्गो प्रा.लि. द्वारा सञ्चालित होटेलमा फुड एण्ड वेभरेजमा १० प्रतिशत र लजिङ्ग सुविधामा १५ प्रतिशत छुट प्राप्त हुने कम्पनीले बताएको छ।
उक्त सम्झौता अन्तर्गत होटेल ड फ्लेमिङ्गो प्रा.लि.मा सुविधा लिन चाहने प्रभु बैंकका ग्राहक महानुभावहरूले प्रभु बैंकको डेबिट कार्ड, क्रेडिट कार्ड, मोबाइल बैंकिङ्ग, इन्टरनेट बैंकिङ्ग, क्यु आर र पीओएस मेसिन च्यानलहरू प्रयोग गरी भुक्तानी गर्दा, होटेल ड फ्लेमिङ्गो प्रा.लि का सेवाहरूमा आकर्षक छुट प्राप्त हुने व्यवस्था मिलाइएको कम्पनीले बताएको छ। यस सम्झौताबाट बैंकका सम्पूर्ण ग्राहकहरू लाभान्वित हुनुहुनेछ भन्ने बैंकले विश्वास लिएको छ।
