महालक्ष्मी विकास बैङ्क लिमिटेडले स्वास्थ्य, होटेल तथा रेस्टुरेन्ट साथै कला क्षेत्रका संस्थासँग समन्वय गरी अगाडि बढ्ने अभिप्रायका साथ विभिन्न स्थानमा अवस्थित संस्थाहरूसँग सम्झौता गरेको छ ।
सम्झौता पश्चात् महालक्ष्मी विकास बैङ्कका डेबिट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरूले उक्त संस्थाहरूका विभिन्न सेवाहरूमा विशेष छुट प्राप्त गर्न सक्नेछन् । बैङ्कका ग्राहकहरूले विशालनगर, काठमाडौँमा अवस्थित Arogin Health Care का विभिन्न सेवाहरूमा ५% देखि अधिकतम ४५% (hair transplant and hair fall treatment) इटहरी, सुनसरीमा अवस्थित Hotel Pathibhara International का सेवाहरूमा १०%, मैतीदेवी काठमाडौँमा अवस्थित Buingal Lounge and Bar का सेवाहरूमा १५%, लाजिम्पाट, काठमाडौँमा अवस्थित Yello Hatti का सेवाहरूमा अधिकतम १०%, इटहरी ०६, सुनसरीमा अवस्थित Burger House and Crunchy Fried Chicken का सेवाहरूमा अधिकतम १०% र मैतीदेवी, काठमाडौँमा अवस्थित Burger House and Crunchy Fried Chicken का सेवाहरूमा १०% को छुट प्राप्त गर्न सक्नेछन् ।
सो किसिमको सहकार्यबाट बैङ्कका डेबिट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरू प्रत्यक्ष रूपमा लाभान्वित हुने विश्वास बैङ्कले लिएको जनाएको छ । यसका साथसाथै डिजिटल युगसँग नेपाली जनतालाई साक्ष।तकार गराउने उद्देश्यले बैकले विभिन्न शाखाहरूबाट वित्तीय जनचेतनामूलक कार्यक्रमहरू सञ्चालन गर्दै आएको छ ।
