ज्ञानमाण्डू। नेपाली बजारमा निरन्तर उकालो लाग्न थालेको सुनचाँदीको मूल्य आज पनि वृद्धि भएको छ।
नेपाली बजारमा आज सुनको मूल्य प्रतितोला ६ सय रुपैयाँले बढेको छ । नेपाल सुनचाँदी व्यवसायी महासंघका अनुसार जेठ ४ गते, मंगलबारका दिन छापावाला सुनको मूल्य तोलाको ९३ हजार ४ सय रुपैयाँ र तेजावी सुनको मूल्य प्रतितोला ९२ हजार ९ सय रुपैयाँ तोकिएको छ ।
अघिल्लो कारोबारी दिन अर्थात सोमबार जेठ ३ गतेका दिन, छापावाला सुन प्रतितोला ९२ हजार ८ सय रुपैयाँमा कारोबार भएको थियो भने तेजाबी सुन प्रतितोला ९२ हजार ३ सय रुपैयाँमा कारोबार भएको थियो ।
मंगलबार सुनको मूल्यमा वृद्धि भएसँगै चाँदीको मूल्यमा पनि वृद्धि आएको महासंघले जनाएको छ । नेपाली बजारमा आज चाँदी प्रतितोला १ हजार ३ सय ९० रुपैयाँमा किनबेच हुँदैछ । अघिल्लो कारोबारी दिन सोमबार, नेपाली बजारमा चाँदी प्रतितोला १ हजार ३ सय ५५ रुपैयाँमा कारोबार भएको थियो । आज चाँदी तोलामा ३५ रुपैयाँले उकालो लागेको देख्न सकिन्छ ।
