Gyanmandu.com

Infolinks ad

Gyanmandu LOGO

Reliable

ताजा

Ad Above News Title

अरनिको स्मृतिमा कला प्रदर्शनी फागुन २८ मा

ज्ञानमाण्डू।नेपाल ललितकला प्रज्ञा प्रतिष्ठानले राष्ट्रिय विभूति अरनिकोको स्मृतिमा आगामी फागुन २८ गते कला प्रदर्शनी गर्ने भएको छ । मुलुकको कलाकारिता क्षेत्रको विकास तथा नेपाली मौलिकतामा आधारित वास्तुकलालाई अन्तर्राष्ट्रिय तहमा पुर्‍याउन अरनिकोले गरेको योगदानलाई सम्झना गर्न उक्त प्रदर्शनी प्रतिष्ठान परिसरमा गर्न लागिएको हो । 

काठमाडौँ उपत्यकाका तीन वटै दरबार क्षेत्रमा करिब १०० बालबालिकालाई स्थलगत भ्रमण र कार्यशाला गराई उनीहरूले बनाएका चित्रलाई प्रदर्शनीमा राखिने छ । प्रतिष्ठान–चित्रकला विभागले संयोजन गर्ने उक्त प्रदर्शनीका लागि आगामी फागुन ६ देखि २० गतेसम्म बालबालिकालाई स्थलगत भ्रमण र कार्यशाला सम्पन्न गराइने प्राज्ञ एवं विभाग प्रमुख सुष्मा राजभण्डारीले जानकारी दिइन् । अरनिको निधन भएको दिन मार्च ११ तारिखमा प्रतिष्ठानले गत वर्ष पहिलो स्मृति दिवस मनाएर अरनिकोको सम्झना गरेको थियो । सन् १२४४ मा पाटनमा जन्मनुभएका अरनिको निधन सन् १३०६ मार्च ११ तारिखमा चीनमा निधन भएको थियो । 

कलाकार अरनिको तथा उनको समूहले निर्माण गरेका कलाकृतिबारे खोज र अनुसन्धानका क्षेत्रमा प्रत्येक वर्ष प्रतिष्ठानले रचनात्मक कार्यक्रम गर्ने योजना बनाएको छ । तत्कालीन समयमा नेपाली कला र संस्कृतिलाई विदेशमा प्रचार गरेका उनको जीवनीमा अनुसन्धान गर्न बालबालिकालाई अभिप्रेरित गर्ने उद्देश्यले कार्यक्रम गर्न लागिएको प्राज्ञ भण्डारीले बताइन् । 

वास्तुकलामा निपुण मानिने कलाकार अरनिकोले विभिन्न धातुमा रसायनको प्रयोग गरी कला कृति सिर्जना गरेको विश्वास छ । उनको नेतृत्वमा नेपालबाट चीनतर्फ गएका कलाकारको समूहले सन् १२७१ मा चीनको राजधानी बेइजिङको मध्य भागमा प्यागोडा शैलीमा श्वेत चैत्यको निर्माण गरेको थियो । उक्त चैत्यमा नेपाली सीप र शैली प्रयोग गरिएकाले पनि त्यसको मौलिकताले देशलाई विश्वमा परिचित गराएको छ । तत्कालीन समयमा कला निर्माणका क्षेत्रबाट देशको सुसंस्कृति र सभ्यतालाई अन्तर्राष्ट्रियकरण गर्ने अरनिकोको वास्तविक नाम बलबाहु हो । प्रतिष्ठानले उनको शालिक निर्माण गरी परिसरमा राख्ने भनेको भए पनि त्यो कार्य पूरा गर्न सकेको छैन ।रासस 

Ad After News Content

GME