Gyanmandu.com

Gyanmandu LOGO

Reliable

ताजा

Ad Above News Title

मेचीनगरमा अन्तरराष्ट्रिय महोत्सवको तयारी पूरा

ज्ञानमाण्डू।झापाको मेचीनगरमा बुधवारदेखि सुरु हुने तेस्रो अन्तर्राष्ट्रिय औद्योगिक, व्यापार तथा पर्यटन महोत्सवको तयारी पूरा भएको छ । हङकङ बजारको रूपमा बहुचर्चित धुलाबारी बजारको बिजनेस पार्कमा सञ्चालन हुने महोत्सवमा नेपाल, भारत र बङ्गलादेशका २०० कक्ष रहने आयोजक संस्था मेची उद्योग वाणिज्य सङ्घका अध्यक्ष ऋषि तिम्सिनाले जानकारी दिएका छन् । 

निर्यातमूलक स्वदेशी कृषि वस्तुको व्यापारिक प्रवर्द्धनका लागि स्टलमा प्राथमिकता दिइएको महोत्सवमा सबै प्रकारका व्यापारिक र औद्योगिक उत्पादनको प्रदर्शनी हुने र पर्यटन प्रवर्द्धनका लागि समेत गतिविधि सञ्चालन गरिने अध्यक्ष तिम्सिनाले जानकारी दिए । 

महोत्सवले निर्यात जन्य स्वदेशी कृषि वस्तुको व्यापार र नेपाल भ्रमण वर्ष २०२० को प्रवर्द्धनमा महत्त्वपूर्ण योगदान पुर्‍याउने अपेक्षा राखिएको जनाउँदै मेचीनगर नगरपालिकाका उपप्रमुख मिना उप्रेतीले नगरको समृद्धिका लागि महोत्सव कोशे ढुङ्गा बन्ने बताइन् । 

पुस १७ गतेसम्म सञ्चालन हुने महोत्सवमा इलामको सन्दकपुर र जौवारिमा उत्पादित बहुमूल्य केशरको कक्षसमेत राखिने भएको छ । सन्दकपुर–५ जौबारीस्थित जौबारी मल्टिपरपोज एग्रिकल्चर एन्ड इन्भाइरोेमेन्ट सेन्टरले गत वर्षदेखि इलाममा व्यावसायिक केशर खेती गरिरहेको छ । केशरको प्रवर्द्धन र व्यावसायिक सम्भावनाको पहिचान गर्न अन्तर्राष्ट्रिय महोत्सवमा केशरको छुट्टै प्रदर्शनी कक्ष राखिने संस्थाका अध्यक्ष वीरबहादुर कटुवालले जानकारी दिए ।रासस 

Ad Below News Title

Ad After News Content

Bottom News Content

IME

Enjoy Your Study

GME