Gyanmandu.com

Gyanmandu LOGO

Reliable

ताजा

Ad Above News Title

विद्युतीय रेलमार्गको ट्रयाक निर्माण कार्यले गति लिँदै

ज्ञानमाण्डू।पूर्व पश्चिम राजमार्गअन्तर्गत रौतहट जिल्लाको बाग्मतीदेखि धन्सार खण्डमा निर्माण हुने विद्युतीय रेलमार्गको ट्रयाक निर्माणको कामले गति लिन थालेको छ । 

रौतहट जिल्लाको बाग्मतीदेखि धन्सार सडक खण्डमा ट्रयाक निर्माणको कार्यलाई ठेकेदार कम्पनीले तीव्रता दिएको रेल्वे विभागका इन्जिनियर सुमोद पोखरेलले बताए । 

सङ्घीय सरकारको करिब सवा तीन अर्वको लागतमा निर्माण भइरहेको सो ट्रयाकको ठेक्का पाएका ठेकेदारले रौतहट जिल्लाको बाग्मतीदेखि धन्सारसम्म करिब २३ किलोमिटर क्षेत्रमा ट्रयाक खोल्ने काम द्रुतगतिमा भइरहेको जनाइएको छ । रेल्वे विभागले तीन वटा लिङ्क लाइनसहित पूर्व पश्चिम राजमार्गको एक हजार तीन दशमलव आठ किलोमिटरसम्मको विद्युतीय रेलमार्ग १० वटा प्याकेजमार्फत निर्माण गर्न लागिएको हो । 

एकदेखि पाँच नम्बरसम्मको प्याकेजको ठेक्का लिएका ठेकेदार कम्पनीले साढे दुई वर्षभित्र सबै काम पूरा गरी सक्नुपर्ने गरी सरकारसँग सम्झौता गरेको छ । सोही सम्झौताअनुसार अहिले ट्रयाक निर्माणसँगै पुल निर्माणको काम पनि सुरु गरेको छ । जसअन्तर्गत सो क्षेत्रको बाग्मती, पौराइ, लमाहा, चाँदी, सत्यारी र अमोमा खोलामा छ वटा पुल निर्माण हुने बताएको छ ।

विद्युतीय रेलमार्ग निर्माणको क्रममा सोही क्षेत्रमा पर्ने हरियो रुख काट्नुपर्ने देखिएकाले सो रुख कटान स्वीकृतिको लागि वन विभागमा पत्राचार गरिएको डिभिजन वन कार्यालय चन्द्र पुरले जनाएको छ । अहिले सो क्षेत्रमा कालोपत्रे गर्ने काम भइरहेको छ ।रासस 

Ad Below News Title

Ad After News Content

Bottom News Content

IME

Enjoy Your Study

GME