Gyanmandu LOGO

Reliable

ताजा

Ad Above News Title

उपत्यकाका १६ स्थानमा हात धुने व्यवस्था

ज्ञानमाण्डू।कोभिड –१९ रोकथामका लागि काठमाडौँ उपत्यकाको बढी भीडभाड हुने १६ स्थानमा साबुन पानीले हात धुने व्यवस्था मिलाइएको छ । विश्वमा महामारीका रूपमा फैलिएको उक्त रोग लाग्न नदिन महानगरीय प्रहरी कार्यालय रानीपोखरीले उपत्यकाको बढी भीडभाड हुने स्थानमा हात धुने व्यवस्था मिलाएको हो । 

महानगरीय प्रहरी कार्यालयका प्रमुख प्रहरी नायब महानिरीक्षक विश्वराज पोखरेलले माछापुच्छ्रे बैङ्कसँगको सहकार्यमा काठमाडौँ, ललितपुर र भक्तपुरका विभिन्न ठाउँमा ट्याङ्की नै राखेर हात धुने व्यवस्था मिलाइएको जानकारी दिए । साबुन पानीले हात धुने तथा स्यानीटाइजरको प्रयोग र माक्स लगाएर हिँडेमा पनि केही हदसम्म नियन्त्रण गर्न सकिने विशेषज्ञको रायअनुसार सर्वसाधारण नागरिकको सहजताका लागि उक्त कार्य गरिएको उनले बताए ।

प्रमुख प्रहरी नायब महानिरीक्षक विश्वराज पोखरेलका अनुसार रत्नपार्क, बानेश्वर, गौशाला, सिनामङ्गल, महाराजगञ्ज, त्रिवि शिक्षण अस्पताललगायत ठाउँमा हात धुने व्यवस्था मिलाइएको छ । यस्तै थापाथली, टेकु अस्पताल, पाटन अस्पताललगायत ललितपुर र भक्तपुरका बढी भीडभाड हुने र जोखिम बढी हुने स्थानमा सोमबार पानीको व्यवस्थापन गरिने जनाइएको छ ।रासस 

Ad After News Content