Gyanmandu.com

Gyanmandu LOGO

Reliable

ताजा

Ad Above News Title

सामाजिक दुरीको सट्टा "दूर सामाजिकीकरण" को अभ्यास

ज्ञानमाण्डू।सामाजिक दुरी - स्वेच्छाले अन्य व्यक्तिको साथ शारीरिक सम्पर्क सीमित राख्ने क्रियाकलाप- कोभिड–१९ को प्रसारलाई सुस्त बनाउन मद्दत पुर्‍याउने महत्त्वपूर्ण अभ्यास भएको छ। कोभिड–१९ लाई रोक्नका लागि चालिएका दैनिक कदमहरू बाहेक, हामी र अरू बिचको दुरी कायम गर्नु नै स्थानीय, देश र विश्वव्यापी रूपमा नै कोभिड–१९ को प्रभाव तथा प्रसार सुस्त बनाउने उत्तम उपाय हो । तर व्यक्तिहरू एक अर्काको सम्पर्कमा रहनु पनि उत्तिकै आवश्यक छ, अन्यथा कोभिड–१९ को भाइरस सँगै निकट भविष्यमा दीर्घकालीन मानसिक र शारीरिक स्वास्थ्य सङ्कटको सामना गर्नु पर्ने हुन सक्छ । 

कोभिड–१९ को प्रसारलाई ढिला बनाउन सामाजिक दुरी महत्त्वपूर्ण छ, तर यसले एक अर्कोको साथ, सम्बन्ध र मानिसहरूको आधारभूत आवश्यकतालाई पनि धक्का पार्ने देखिएको छ । विशेष गरी कठिन समयमा, मानिसहरू एक अर्काबाट आराम, सान्त्वना र कृपा भावको आग्रह वा आश गर्ने गरेको पाइन्छ । गरिएका परीक्षणहरूको आधारमा, प्रियजनको समर्थनले हाम्रो तनाव र हाम्रो मस्तिष्कको दर्दनाक इलेक्ट्रिक प्रतिक्रियाहरूलाई नम्र बनाउन आवश्यक मद्दत पुर्‍याउने गर्दछ । यसको विपरीत, एकाकीपन मनोवैज्ञानिक रूपमा विषाक्त छ; यसले निन्द्रा, डिप्रेसन, साथ साथै प्रतिरक्षा र हृदय सम्बन्धी समस्याहरूलाई बढाउँदछ। वास्तवमा, लामो एक्लोपनाले दिनको १५ वटा सिगरेट पिउनु बाराबर को जोखिम निम्त्याउँछ।

हामीले आफ्नो र सार्वजनिक स्वास्थ्यको हित का लागि सही कदमहरू परिचालन गर्न निकै आवश्यक हुन्छ । तर, सामाजिक दुरीको लामो अभ्यासले मानिसहरूमा व्यापक एकाकीपन, दीर्घकालीन मानसिक र शारीरिक स्वास्थ्य सङ्कट पैदा हुनसक्ने सम्भावनालाई हल्का रूपमा लिनु हुँदैन अन्यथा यस रोगको स्रोत र सङ्क्रमित दुवै हामी आफै हुनेछौ ।

हामीले यस समयलाई "सामाजिक दुरी"को नभई "शारीरिक दुरी" को रूपमा अपनाउनु जरुरी छ, जुन हामी अलग रहँदा पनि सामाजिक रूपमा जडित रहन सक्नुको बेजोड उदाहरण हुनेछ । वास्तवमा सोही कदमले हामी सबैलाई "दूर सामाजिकीकरण" को अभ्यासका लागि हौसला तथा प्रोत्साहन प्रदान गर्नेछ । विडम्बना, उही प्रविधि जुन हामी अक्सर हाम्रो सामाजिक विच्छेद र छेडछाडको लागि दोषी मान्ने गर्दथ्यौ, आजको परिस्थितिमा एक अर्काको सम्पर्क र सम्बन्ध अडाइ राख्नका लागि उत्तम समाधान बनेको छ ।

व्हाट्सएप, मेसेन्जर, भाइबर, फेस टाइम, जूम र यस्तै अन्य सामाजिक सञ्जालका उपकरणहरू अहिले हाम्रो निकै घनिष्ठ साथी बन्न पुगेका छन् । हामीलाई थाहा छ कि यी उपकरणहरू कसरी बैठक र शिक्षणका लागि प्रयोग गर्ने, तर हामी किन त्यही रोकिनु ? हामीले सामाजिक सञ्जालका यी साधन औपचारिक अन्तर्क्रियाको लागि मात्र प्रयोग नगरी सामाजिक अन्तरको दूरलाई कम गर्ने समाधानको दृष्टिकोणबाट पनि हेर्न जरुरी देखिन्छ । जब हामी व्यक्तिगत रूपमा कोही सँग भेट्छौँ, हामी प्रत्येक मिनेट उत्पादक वा चिन्तनशील रही रहनु असम्भव जस्तै नै हुने गर्दछ। त्यही दूर सामाजिकीकरणका उपकरणहरूको प्रयोगले हाम्रो सम्बन्धहरू र उत्पादकतालाई समानान्तर ढङ्गले अघि बढाउने र निखार्ने मौका प्रदान गर्दछ ।

दुर्भाग्यवश, कोभिड–१९ को सबैभन्दा बढी जोखिममा रहेका वृद्धहरू पनि सामाजिक दुरीका कारण मनोवैज्ञानिक रूपमा अति संवेदनशील हुन सक्ने देखिन्छ । यो त्यस्तो समय हो जब उनीहरूलाई सम्भव भएसम्म टेक्नोलोजीसँग परिचय गराउनु र पहुँचको दायराभित्र ल्याउनु निकै फलदायी रहन्छ ।

जे होस्, सामाजिक दृष्टिबाट सामाजिक रूपमा कायम गरिएको दुरी पनि दयाको कार्य हो, भन्ने कुरा मनमा राख्न जरुरी छ । आफूलाई अलग राख्ने निर्णय आत्म सुरक्षा र हाम्रा समुदायको बढी कमजोर सदस्यहरूको सुरक्षाका निम्ति गरिएको महत्त्वपूर्ण निर्णय हो । अलग रहने निर्णय पनि एकजुटताको कार्य हो - हामी एक्लो त रहन्छौ तर सबैको साथसँगै । हाम्रो लागि सब भन्दा सहयोगी चीज भनेको हाम्रा आशाहरू कम गर्नु हो। हाम्रा महत्त्वाकाङ्क्षाहरुलाई अब केही बेरको लागी आराम दिनु जरुरी छ।

Sunrise Bank

Ad Below News Title

Ad After News Content

IME

Enjoy Your Study

GME