Gyanmandu.com

Gyanmandu LOGO

Reliable

ताजा

Ad Above News Title

Muktinath Bikas Bank

क्षेत्री सम्मानित

ज्ञानमाण्डू।
नेपाल कराँते महासङ्घमा लामो समय कार्यालय सचिवका रूपमा कार्यरत पूर्वखेलाडी राजेन्द्र क्षेत्री सोमबार सम्मानित भएका छन् । नेपालमा भएको १३औँ दक्षिण एशियाली खेलकूद (साग) का प्रशिक्षकहरु मिलेर क्षेत्रीलाई रु २५ हजारसहित सम्मान गरेका हुन् । 

सोही अवसरमा १३औँ सागका दोहोरो स्वर्ण विजेता कराँतेका मन्डेकाजी श्रेष्ठले पनि व्यक्तिगतरूपमा क्षेत्रीलाई रु पाँच हजार प्रदान गरे । क्षेत्री मुटु र आँखाको समस्यामा रहेको कराँतेका प्रमुख प्रशिक्षक मदन उप्रेतीले बताए । 

राष्ट्रिय खेलकूद परिषद् (राखेप) का उपाध्यक्ष शिव कोइराला र सदस्यसचिव रमेशकुमार सिलवालको सम्मानमा आयोजित बधाई तथा शुभकामना कार्यक्रममा क्षेत्रीलाई नगद र मायाको चिनो हस्तान्तरण गरिएको थियो । नेपाल कराँते महासङ्घद्वारा आयोजित कार्यक्रममा महासङ्घका उपाध्यक्ष पुरेन्द्रविक्रम लाखेले उपाध्यक्ष कोइराला र सदस्यसचिव सिलवाललाई मायाको चिनो हस्तान्तरण गरे । 

त्यसै अवसरमा १३औँ सागमा निर्णायकको भूमिका निर्वाह गरेका नेपाली रेफ्री राम लामा, राजेन्द्र कपाली, महेश रञ्जित, छत्र आले, ध्रुवविक्रम मल्ल र बिआर मित्रलाई पनि मायाको चिनो प्रदान गरी सम्मान गरिएको थियो ।रासस 

Ad Below News Title

Mega Bank

Ad After News Content