Gyanmandu.com

Gyanmandu LOGO

Reliable

ताजा

Landing Page, Road Block Admana

Global IME Bank

ad mana

नाफामा एक अर्कालाई टक्कर दिने वाणिज्य बैङ्कहरूलाई दाँजेर हेर्दा


ज्ञानमाण्डू। २७ वटै वाणिज्य बैङ्कहरूले आर्थिक वर्ष २०७७/७८ को दाेस्राे त्रैमासको वित्तीय विवरण सार्वजनिक गरिसकेका छन्। ती मध्ये सर्वाधिक नाफा कमाउन सफल ग्लोबल आइएमई बैङ्क, एनआईसी एशिया बैङ्क र नबिल बैङ्क गरी २ अर्ब माथि नाफा कमाएका ३ वटा वाणिज्य बैंकहरुलाई दाेस्राे त्रैमासको वित्तीय विवरणका आधारमा तुलना गर्ने प्रयास गरिएको छ ।

चुक्ता पुँजी: ग्लोबल आइएमई बैंकको सबै भन्दा बढि २१ अर्ब ६३ करोड २५ लाख ३ हजार रुपैयाँ चुक्ता पुँजी रहेको छ भने नबिल बैंककाे १३ अर्ब ४८ करोड १ लाख ५९ हजार रुपैयाँ र एनआईसी एशिया बैंककाे ११ अर्ब ५६ करोड ४० लाख ५ हजार रुपैयाँ चुक्ता पुँजी रहेको छ ।

निक्षेप संकलन: २ खर्ब ६८ अर्ब १० करोड ५३ लाख ७५ हजार रुपैयाँ निक्षेप संकलन गरि एनआईसी एशिया बैंक अगाडि रहेको छ भने ग्लोबल आइएमई बैंकले २ खर्ब ३४ अर्ब ४१ करोड २३ लाख २५ हजार रुपैयाँ र नबिल बैंकले २ खर्ब १४ करोड ९४ लाख २९ हजार रुपैयाँ निक्षेप संकलन गरेका छन् । 

कर्जा लगानी: नबिल बैंकले १ खर्ब ७० अर्ब ५२ करोड १६ लाख ४४ हजार रुपैयाँ र ग्लोबल आइएमई बैंकले २ खर्ब ३ अर्ब ७८ करोड ९७ लाख ६७ हजार रुपैयाँ कर्जा लगानी गरेका छन् भने एनआईसी एशिया बैंकले २ खर्ब २१ अर्ब २३ करोड ७४ लाख ६५ हजार रुपैयाँ कर्जा लगानी गर्दै कर्जा लगानीमा अघि रहेको छ । 

खुद ब्याज आम्दानी: ग्लोबल आइएमई बैंकले व्यवसाय विस्तारबाट एनआईसी एशिया र नबिल बैंकले भन्दा बढि खुद ब्याज आम्दानी गरेको छ। ग्लोबल आइएमई बैंकले ४ अर्ब ७७ करोड १८ लाख ५४ हजार रुपैयाँ, एनआईसी एशिया बैंकले ३ अर्ब ९४ करोड ६८ लाख ६ हजार रुपैयाँ र नबिल बैंकले ३ अर्ब १२ करोड २६ लाख ३९ हजार रुपैयाँ खुद ब्याज आम्दानी गरेका छन् ।

नाफा: ग्लोबल आइएमई बैंकले सबै भन्दा बढि २ अर्ब ३१ करोड ५१ लाख १८ हजार रुपैयाँ नाफा कमाउन सफल भएकाे छ भने एनआईसी एशिया बैंकले २ अर्ब ६ करोड ५ लाख ३७ हजार रुपैयाँ र नबिल बैंकले २ अर्ब १ करोड ६० लाख २३ हजार रुपैयाँ कमाएको देखिन्छ ।

जगेडा कोष: नबिल बैंकको जगेडा कोषमा १३ अर्ब ५२ करोड १ लाख १९ हजार रुपैयाँ रहेको छ भने ग्लोबल आइएमई बैंकको ७ अर्ब ७० करोड ८ लाख २१ हजार रुपैयाँ र एनआईसी एशिया बैंकको ६ अर्ब ८९ करोड २८ लाख ३ हजार रुपैयाँ रहेको छ

संचित मुनाफा: नबिल बैंकको संचित मुनाफा १ अर्ब ८५ कराेड ८५ लाख ८७ हजार रुपैयाँ रहेको छ भने ग्लोबल आइएमई बैंककाे संचित मुनाफा  १ अर्ब ५२ कराेड १० लाख ३८ हजार रुपैयाँ र एनआईसी एशिया बैंकको ७७ करोड ६६ लाख ५६ हजार रुपैयाँ रहेको छ ।

वितरण याेग्य मुनाफा: नबिल बैंककाे सबै भन्दा बढि १ अर्ब ८४ कराेड २८ लाख ६१ हजार रुपैयाँ वितरण याेग्य मुनाफा रहेको छ भने ग्लोबल आइएमई बैंकको १ अर्ब ४३ कराेड २० लाख ४६ हजार रुपैयाँ र एनआईसी एशिया बैंककाे ७२ करोड ८१ लाख ९४ हजार रुपैयाँ वितरण याेग्य मुनाफा रहेको छ ।

निस्क्रिय कर्जा: एनआईसी एशिया बैंकको निस्क्रिय कर्जा सबै भन्दा कम ० दशमलव ४३ प्रतिशत देखिन्छ भने नबिल बैंकको ० दशमलव ६ प्रतिशत र ग्लोबल आइएमई बैंकको १ दशमलव ७२ प्रतिशत निस्क्रिय कर्जा देखिन्छ ।

प्रति शेयर आम्दानी: ग्लोबल आइएमई बैंकको प्रति शेयर आम्दानी २१ रुपैयाँ ४० पैसा र नबिल बैंककाे प्रति शेयर आम्दानी २९ रुपैयाँ ९१ पैसा रहेकाे छ भने एनआईसी एशिया बैंक प्रति शेयर आम्दानी ३५ रुपैयाँ ७३ पैसा सहित अघि छ ।

मूल्य आम्दानी अनुपात: ग्लोबल आइएमई बैंकको मूल्य आम्दानी अनुपात १७.८० गुणा, एनआईसी एशिया बैंकको २५ गुणा छ भने नबिल बैंकको मूल्य आम्दानी अनुपात ३७.७५ गुणा रहेकाे छ ।

Ad Below News Title

Ad Inside News Content2

Admana

Energy Line

slc share training

below content